എത്ര വളർന്നാലുമെന്തേ
നമ്മളിത്തിരിപ്പോന്ന മനുഷ്യർ
എത്ര വിടർന്നാലുമെന്തേ
നമ്മൾ ഞെട്ടറ്റു വീഴുന്ന പൂക്കൾ.
വിടരും സുഗന്ധം പരത്തും; പിന്നെ
കൊഴിയും വിഷാദം നിറയ്ക്കും
പ്രകൃതി തൻ നിയമം നമുക്കി-
ന്നനുസരിക്കാനേ കഴിയൂ.
എങ്കിലും ഞാനൊരു വമ്പൻ
എന്നൊരഹന്ത മനസ്സിൽ
കൊണ്ടുനടക്കുന്നു നമ്മൾ
ജീവിതം മത്സരമാക്കാൻ!
Generated from archived content: poem2_apr8_10.html Author: sasi_mavinmoode
