ഉപദേശം

‘ചിരിക്കുന്നിട’

‘മിരിക്കുന്നിട’-

മിപ്രകാരം രണ്ടുപേരാ-

ണിടച്ചേരി തട്ടകത്തിൽ

നടനമോഹിനിമാർ.

രണ്ടുപേരും മാറ്റുരയ്‌ക്കും

മൽസരത്തിനു സാക്ഷിയാകാൻ

വൻജനാവലി, വന്നു നഗരം

കോൾമയിർക്കൊണ്ടൂ.

ചിരിക്കുന്നിടമാദ്യമെത്തി

പൊടിപൊടിച്ചാൾ; ജനം പക്ഷേ

പുകയ്‌ക്കാനുളളിടം തേടി

പുറത്തേയ്‌ക്കോടി.

ഇരിക്കുന്നിടമൊടുക്കം വ-

ന്നരങ്ങിൽ പിന്തിരിഞ്ഞാടി-

ത്തകർത്താൾ, ജനമവൾക്കൊപ്പം

താളമിട്ടാടി,

ചിരിക്കുന്നിട, മിരിക്കുന്നിട-

മിവർ തങ്ങളിലുളള ഭേദം

കരക്കാർക്കും ജൂറിമാർക്കും

തികച്ചും ബോധ്യം.

“ജയം, മൂലം മറക്കാതു-

ളളവർക്കെന്നു”മിതെന്നതത്ത്വം

പുരസ്‌കാരം കൊടുക്കുമ്പോൾ

മന്ത്രിയും ചൊല്ലീ.

Generated from archived content: poem11_aug.html Author: eezhacheri_ramachandran

അഭിപ്രായങ്ങൾ

അഭിപ്രായങ്ങൾ