സങ്കീർണ്ണമായ ദശാസന്ധികളിലൂടെ കടന്നു പോകുന്ന മനുഷ്യമനസ്‌ നേരിടുന്ന പ്രതിസന്ധികളാണ്‌ ഗിരീഷ്‌ കർണ്ണാട്‌ ‘ഹയവദന’യിൽ ആവിഷ്‌കരിക്കുന്നത്‌. കഥാസരിത്‌ സാഗരത്തിൽ സോമദേവനും ‘മാറ്റിവെച്ച തലക’ളിൽ തോമസ്‌ മാനും കൈകാര്യംചയ്‌ത കഥ വ്യത്യസ്‌ത ശൈലിയിൽ അവതരിപ്പിച്ചിരിക്കുന്നു. പൂർണ്ണത തേടിയുളള ജീവികളുടെ അന്വേഷണം ഒടുവിൽ എത്തിച്ചേരുന്നതെവിടെയാണ്‌? ശരീരത്തിന്റെ പ്രാകൃതചോദനകളോ, ബുദ്ധിയുടെ ഓർമ്മപ്പെടുത്തലുകളോ ഏതാണ്‌ ജീവിതത്തിൽ ആധിപത്യം സ്ഥാപിക്കുന്നത്‌? തുടങ്ങിയ നിരവധി പ്രശ്‌നങ്ങൾ ഈ നാടകത്തിൽ വിചാരണ ചെയ്യപ്പെടുന്നു. ആദ്യ ഉറവകളിലേയ്‌ക്കു തന്നെ തിരിച്ചെത്തുന്ന പുഴകളെപ്പോലെ, സ്വന്തം വിധിയുടെ ഇരുണ്ട മാളങ്ങളിലേയ്‌ക്കു തന്നെ ഒലിച്ചെത്തുന്ന ജീവിതങ്ങളുടെ കഥ അസൂയാവഹമായ കൈയൊതുക്കത്തോടെ ഗിരീഷ്‌ കർണാട്‌ ആവിഷ്‌ക്കരിച്ചിരിക്കുന്നു.
പ്രസാഃ ഡി.സി.
Generated from archived content: book3_jan6_07.html Author: c_vasudevan
Click this button or press Ctrl+G to toggle between Malayalam and English