ശുഭാശംസ

 

മഴയുടെ കരങ്ങളിൽ
കിലുകിലെ കിലുങ്ങും
കരിവളകളിൽ കൺപാർത്തു
ഏതോ കിനാവിലൂയലാടീട്ടു
മനസ്സിന്റെ കടലാസ്സു തോണിയിൽ
യാത്ര യാം യാത്രിക
നിൻ സഖി തൻ കരതലം
നെഞ്ചോട് ചേർത്തുകൊണ്ടാ
മിഴികളിൻ ജലാശയം
മറ്റൊരു മഴയായ്
പെയ്യുന്നതെവിടെ
നിൻ മെയ്യിലോ മാനതാരിലോ
ആ മഴയിൽ വീണ്ടും
മുങ്ങി നിവർന്നു നീ
പുഞ്ചിരി തൂകി
പുതപ്പിന്നടിയിൽ ചുരുണ്ടു കൂടാതെ
എണീക്കൂ എണീറ്റോന്നു പുൽകൂ
നിൻ മെയ്യുടെ ചൂടും
മനസ്സിലെ മഞ്ഞും
പങ്കിടാൻ പിന്നെയും
ശുഭ്രവസ്ത്രം ധരിച്ചു
കർമ്മ വീണയെ കയ്യിലെടുത്തു
തുടങ്ങൂ ഈ  ദിനം
ശുഭദിനമാകാൻ
ഈ കൺമണിയുടെ ആശംസ ഏറ്റൂ
നിൻ മനസ്സിലും ഹൃത്തിലും.

അഭിപ്രായങ്ങൾ

അഭിപ്രായങ്ങൾ

SHARE
Previous articleനിന്റെ നാളെകൾ
Next articleചുണ്ടിലെ മന്ദാരങ്ങൾ
യു ഏ യിൽ താമസമാക്കിയ ഒരു ഇരിങ്ങാലക്കുടക്കാരി....കുഞ്ഞിലിക്കാട്ടിൽ ഉണ്ണിച്ചെക്കൻറെയും പദ്മിനിയുടേയും മകൾ, അശ്വനിയുടെ വാമഭാഗം. ദക്ഷിണ ഭാരത ഹിന്ദി പ്രചാരസഭയിൽനിന്നും ഹിന്ദി പ്രവീൺ, കമ്പ്യൂട്ടർ ആപ്പ്ളിക്കേഷനിൽ പ്രൊഫഷണൽ ബിരുദം,പ്രകൃതി സ്‌നേഹി.... ഓർമകളും,നൊമ്പരങ്ങളും, മറവിയിൽനിന്നു കണ്ണുപൊത്തിക്കളിക്കുമ്പോൾ....... സംവേദനം നേരിട്ടാകാൻ കഴിയാത്ത സന്ദർഭങ്ങളിൽ..... അപ്പോഴൊക്കെ വിരിയുന്നവയാണ് ഈ ചെറിയ ശീലുകൾ,വാക്കുകൾ,വാക്യങ്ങൾ.... അവ കാതോർക്കുന്നവർ, കണ്ണോടിക്കുന്നവർ നിങ്ങളാണ്. നിങ്ങളോട് ഞാൻ എന്നെക്കുറിച്ചു മറ്റെന്തു പറയാൻ..... എഴുത്ത് ഇതുവരെ:- "അച്ഛൻ ഓർമ്മകൾ " എന്ന പുസ്തകത്തിൽ ഒരു ചെറു ഓർമ്മക്കുറിപ്പ് പ്രസിദ്ധീകരിച്ചിട്ടുണ്ട്. "56 പെൺകവിതകൾ" എന്ന കവിതാസമാഹാരത്തിൽ ഒരു കവിത പ്രസിദ്ധീകരിച്ചിട്ടുണ്ട്. "Loneliness Love Musings and Me എന്ന ഇംഗ്ലീഷ് കവിതാസമാഹാരം പ്രസിദ്ധീകരിച്ചിട്ടുണ്ട്.

അഭിപ്രായം എഴുതുക

Please enter your comment!
Please enter your name here