ആത്മാവിനന്യമായൊന്നില്ല, ഈശനീ
വിശ്വത്തിനന്യനല്ലെന്നും
ആശിസായോതീയുപനിഷത്തിൽ ഋഷി
ആ വചസ്സിപ്പോഴെവിടെ?
ഈ നിമിഷത്തിൽ ജീവിക്കാൻ മറക്കൊല്ല
ഭാവിയിപ്പോൾ നമ്മിലില്ലാ.
എങ്ങോ മറഞ്ഞൊരാ ഭൂതകാലത്തിന്റെ
സ്പന്ദനം ഓർമ്മകൾ മാത്രം.
ഭാരതദേശത്തിൽനിന്ന് പാശ്ചാത്യർക്ക്
വാങ്ങുവാൻ ദൈവങ്ങളേറെ
കാപട്യമേറും ‘ജഗദ്ഗുരുക്കൻ’മാർക്ക്
ലോഭമില്ലീമണ്ണിലൊട്ടും.
Generated from archived content: poem11_june.html Author: swami_santhananthagiri
