എന്റെ പത്താംക്ലാസ്സ്‌ റിസൾട്ട്‌ വന്നു. പ്രതീക്ഷിച്ചത്ര മൊത്തം മാർക്കു കിട്ടിയില്ല സയൻസും കണക്കും ഇംഗ്ലീഷും എന്നെ ചതിച്ചില്ല. ചതിച്ചത്‌ സിബി.എസ്‌.സി. യുടെ മൂന്നുതരം ചോദ്യപേപ്പറുകളാണ്‌. പ്രയാസം ഉള്ളതും എളുപ്പം ഉള്ളവയും അവയിൽ പ്രവാസമുള്ളവ തന്നെ എനിക്കു കിട്ടി. എന്റെ പിന്നിൽ കിടന്നവരിൽ ഭാഗ്യശാലികൾ എന്റെ മുന്നിൽ കയറി അവരെയൊക്കെ കാണുമ്പോൾ ഞാൻ മനസ്സിൽ കരുതി “ ഇവരൊക്കെ ബുദ്ധിജീവികളല്ല ഭാഗ്യ ജീവികൾ” ഒരേ തരം പരിക്ഷയ്‌ക്ക്‌ വിവിധ ചോദ്യം അനീതി തന്നെ. ഈ ജീവികൾക്ക്‌ ഞാൻ ഒരു ഇനീഷ്യൽ നൽകി “ജീവി” ഉദാഹരണത്തിന്‌ സജിത്‌ ജി.വി. പത്‌മിനി ജി.വി.
പിന്നെ ഒരു കാര്യം കൂടി.
ഞങ്ങളുടെ രണ്ടാം ഭാഷ ഓപ്‌ഷൻ സംസ്‌കൃതമോ ഹിന്ദിയോ എടുക്കാം സംസ്‌കൃതത്തിന്‌ ഹിന്ദിയേക്കാൾ കൂടുതൽ മാർക്കു കിട്ടും എന്നു കരുതി അതെടുത്തു. അതിലുംഭാഗ്യദേഷം ഹിന്ദി എടുത്തവർക്ക്‌ ഭയങ്കര മാർക്ക്‌. അച്ഛനോട്‌ ഇത്‌ പറഞ്ഞപ്പോൾ അച്ഛൻ പറഞ്ഞു “നിനക്കു പുതിയ ഒരു ഭാഷ കൂടി പഠിക്കാനായില്ലേ? ഹിന്ദി നിനക്ക്‌ അറിയുമല്ലൊ” അപ്പോൾ ഞാൻ പറഞ്ഞു “ഹിന്ദി ആണെങ്കിൽ നോർത്തിൽ പോയാൽ സംസാരിക്കാമല്ലൊ. പക്ഷെ സംസ്‌കൃതം സംസാരിക്കാൻ പറ്റുന്ന സ്വാമിമാരെല്ലാം ജെയിലിൽ ആകുന്ന സമയമല്ലേ?… ഇനി ഞാൻ ആരോടും സംസ്‌കൃതം പറയും? സന്തോഷ്‌ മാധവൻ ജെയിലിൽ നിന്നിറങ്ങിയാലും അയാളൊരു ഭീകര ജീവി അല്ലെ” അയാൾക്കും നമുക്ക്‌ ജീവി എന്ന ഇനിഷ്യൽ കൊടുക്കാം….
സന്തോഷ്‌ മാധവൻ ജി.വി.
Generated from archived content: story1_may11_09.html Author: rs_radhika
