മകനേ…!! ഭാരതീയാ…!!!
മറക്കൊല്ലാ, നിൻവേരും കൂമ്പും
മുളച്ചതീ ഭാരതത്തിൽ!
താടിയും വേഷവും മതവും
ഭാരതാംബയ്‌ക്കൊരു ഭാരമല്ല;
നീ മാതൃഹത്യയ്‌ക്കൊത്താശ ചെയ്‌തീടല്ലേ….
കുങ്കുമക്കുറിയിട്ട വിദ്യാർത്ഥിനികളെ
പരിഹസിക്കുന്നൊരദ്ധ്യാപികയാമമ്മയേയും,
ഉച്ചഭാഷിണിയണച്ചിട്ടാരാധനാലയങ്ങളിൽ
മതവിദ്വേഷം വിളമ്പുന്നൊരു പണ്‌ഡിതനാമച്ഛനേയും
മന്ത്രാലയങ്ങളിലെ രഹസ്യഫയലിൽ
തനിപ്പകർപ്പുകൾ
ശത്രുരാജ്യത്തിനു കൈമാറുന്നൊരുദ്യോഗ
സ്ഥനാം പുത്രനേയും
വേണ്ട പേരിട്ടുവിളിക്കാനാവാത്തൊരമ്മ!
പാവം ഭാരതാംബ!!
ആ അമ്മ നിൻ പേരക്കിടാവിനേയും
വാത്സല്യാമൃതവർഷത്താൽ വിളിക്കുന്നു!
ഉണ്ണീ! മകനേ!! ഭാരതീയാ!!!
Generated from archived content: poem22_june_05.html Author: m_devadas
