മോഷണവും, പിടിച്ചുപറിയും, പെൺവാണിഭവും, മാലപൊട്ടിക്കലും നിത്യസംഭവമായ നഗരത്തിൽ, അതിനെതിരേയുള്ള വമ്പിച്ച പ്രതിഷേധയോഗം നടക്കുകയായിരുന്നു. സമ്മേളനം ഉദ്‌ഘാടനം ചെയ്‌തുകൊണ്ട്‌ വളരെ വികാരഭരിതനായി പ്രസംഗിച്ച വകുപ്പുമന്ത്രി, “ഇതൊന്നും ഇനി ഇവിടെ അനുവദിക്കാൻ പോകുന്നില്ലെന്ന്‌” അസന്നിദ്ധമായി പ്രഖ്യാപിച്ചു. തെരുവോരത്ത്‌ പ്രസംഗം കേട്ടുകൊണ്ടുനിന്ന കുപ്രസിദ്ധമോഷ്‌ടാവും, അനവധി സ്‌ത്രീ പീഢനകേസുകളിൽ ഒന്നാം പ്രതിയുമായ പുരുഷോത്തമൻ, റോഡിലേയ്‌ക്ക്‌ ശക്തിയായി നീട്ടിത്തുപ്പിക്കൊണ്ട്‌ ഇങ്ങനെ പറഞ്ഞത്‌ ഉറക്കെയായിരുന്നു.
“ആണുങ്ങൾക്കിവിടെ ഓരോന്നു ചെയ്യാൻ ആർക്കുവേണം ഇവന്റെ അനുവാദം…….ഫൂ……”
Generated from archived content: story3_jan21_11.html Author: klamant_g_patappakkara
