സുഗന്ധമായ് അമൃത സാഗരമായ്
കാറ്റായ് മഴയായ് ഉഴലുന്നതീ പാരിൽ
പുഴയുടെ താളവും പത്രചലനവും
എങ്ങും മുഴങ്ങുമീ കുയിൽനാദവും
ഒരു ചൂളം വിളിയുടെ താളവും
സമുദ്രത്തിൻ അലതല്ലും
ഭൂമിയിൽ നിറഞ്ഞുനിൽക്കും
അമൃത സാഗരമായ് സംഗീതം.
കഠിനഹൃദയന്റെ കരളലിയിപ്പിക്കുമീ-
ഗന്ധർവ്വ സംഗീതം സാഗരംപോൽ
നമ്മെ ലയിപ്പിക്കും സംഗീതം.
സംഗീതം ശ്രവിക്കുമീ മനോഹര
നിമിഷത്തിൽ
ആനന്ദബാഷ്പത്തിൽ
അലിഞ്ഞു പോം നാം.
Generated from archived content: poem17_june_05.html Author: karthika_mohan
