വേദാന്തസാര പ്രഫുല്ല പ്രകാശമായ്‌
ആദിസംഗീത പ്രഹർഷപ്രവാഹമായ്‌
യോഗവിദ്യാസാര ജ്യോതിർ പ്രഭാതമായ്‌
ജീവജാലങ്ങൾക്കധൃഷ്യ പ്രഭാവമായ്‌,
വേദാധികാരനിരൂപണ ശക്തിയായ്‌
പ്രാചീന ഭാഷാഫലം തേടുമക്ഷിയായ്‌
അദ്വൈത ചിന്താനഭസ്സിൽ നക്ഷത്രമായ്‌
വിദ്വൽജ്ജനം വിരഞ്ഞീടും സമുദ്രമായ്‌,
ഭട്ടാരകസ്വാമി ചട്ടമ്പിയായ്‌,യക-
ത്തട്ടിൽ ജ്വലിയ്‌ക്കുന്നിരുട്ടിൽ നിന്നീടവേ…
പുത്തൻ കൊടുങ്കാറ്റുയർത്തിയീമണ്ണിലേ-
യ്‌ക്കെത്തുമോ വീണ്ടും അധർമ്മദുർഗ്ഗങ്ങളിൽ
Generated from archived content: poem2_mar9.html Author: cheravalli_sasi
