പെണ്ണേ നീ “തീ”യായ് മാറണം

പെണ്ണായ് പിറന്നതെൻ ശാപമോ…
പെണ്ണിന് വിലയിലാത്ത രാജ്യമോ…
ജാതിവെറി പൂണ്ട കാമമോ..
ജീവനു വിലയില്ലാത്ത കാലമോ

കഴുകന്റെ നഖങ്ങളാൽ വികൃതമീമേനി
കാറ്റത്ത് അലയടിച്ച വേദനകളേറെ..
നാവില്ല ഇനി അമ്മേന്നു വിളുക്കുവാൻ
നരഭോജി അറത്തു മാറ്റി കളഞ്ഞമ്മേ..

ഇനി പേടിയില്ലമ്മേ ഈ ലോകത്ത്
ഏഴുനാൾ അലറികരഞ്ഞ ആസിഫയുണ്ടമ്മേ
ഇരുമ്പിന്റെ വേദന സഹിച്ച ഒരുപാട്
നിർഭയയുണ്ടമ്മേ
എരിഞ്ഞടങ്ങിയ ഒരുപാട് സ്വപ്നങ്ങളുണ്ടമ്മേ…
ഇവിടെ ജാതിയെന്ന ഭയപ്പാടില്ലമ്മേ

ചിതയിലെ കനലുകളണയുകില്ല ..
ചിതയെരിച്ചവന്റെ ചിതയൊരുക്കുoവരെ
അഗ്‌നിയായ് പിറക്കുമൊരുനാൾ
അസുരന്റെ അന്തകയായനാൾ

പെണ്ണേ നിനക്ക് നീ തന്നെ കാവലാകണം
പോരിനു വരുന്നവന്റെ കഴുത്തറക്കണം
നിന്റെ നീതിക്കായ്”ഫൂലൻദേവിയായ് പിറക്കണം
നീതിയില്ലാത്ത മണ്ണിൽ നീ “തീ”യായി മാറണം

അഭിപ്രായങ്ങൾ

അഭിപ്രായങ്ങൾ

SHARE
Previous articleഫോമാ മിഡ് അറ്റലാന്റിക് റീജിയൻ  – എക്സിക്യൂട്ടീവ് കമ്മിറ്റി മീറ്റ് ആൻഡ് ഗ്രീറ്റ് യോഗം
Next articleഒറ്റ ഷോട്ടിൽ ഒരു മലയാള പടം
അസീസ് അബ്ദുൾ ലത്തീഫ്
1990 ൽ ആലപ്പുഴയിലെ മാവേലിക്കര താലൂക്കിൽ അബ്ദുൽ ലത്തീഫിന്റെയും റജൂലയുടെയും മൂത്ത മകനായ് ജനനം. ടി.എം വർഗീസ് െമമ്മോറിയൽ ഹൈ സ്കൂളിൽ നിന്നും പത്താം തരം പൂർത്തിയാക്കി. ഗവൺമെന്റ് ഹൈയർ സെക്കൻഡറി സ്കൂൾ ചുനകരയിൽ നിന്നും സെക്കൻഡറി പഠനം പൂർത്തിയാക്കി. സംസ്ഥാന സ്കൂൾ കലോൽസവ വേദിയിൽ 3 വർഷം തുടർച്ചയായി മാപ്പിളപ്പാട്ട് അറബി, ഉറുദു പദ്യപാരായണം, കവിതാരചന,ഉപന്യാസം എന്നിവയിൽ പ്രാഗൽഭ്യം തെളിയിച്ചു. പിന്നീട് ഗവൺമെന്റ് പോളിടെക്നിക്ക് മണക്കാലയിൽ മെക്കാനിക്കൽ എൻജിനീയറിംഗിൽ ഡിപ്ലോമയും നേടി. കോളേജ് ജീവതത്തിൽ ആർട്ട്സ് ക്ലബ്ബ് സെക്രട്ടറിയായും കോളേജ് ചെയർമാൻ ആയും സ്ഥാനം വഹിച്ചു. പത്തനംതിട്ട ജില്ല എസ്.എസ്.എഫ് ക്യാമ്പസ് സെക്രട്ടറി എന്ന സ്ഥാനവും വഹിച്ചു. ചൊക്ലിയിൽ നടന്ന സംസ്ഥാനസാഹിത്യോത്സവത്തിൽ കവിതാ രചനയിൽ ഒന്നാo സ്ഥാനം കരസ്ഥമാക്കി. 2009 ൽ ആർമിയിൽ ചേർന്നു ... യാത്രകളും പാട്ടുകളും സ്നേഹിച്ചു മഞ്ഞും മലയും പിന്നിട്ട വഴികൾ ഒരുപാടുണ്ട് ... ജീവിതത്തിന് നിറം പകരാൻ ജീവിത സഖിയായി കൂടെ കൂട്ടിയവൾ അൽഫിയ സഹോദരി: ആമിനാ തസ്നീം

അഭിപ്രായം എഴുതുക

Please enter your comment!
Please enter your name here