ഇപ്പോൾ നീ എനിക്ക് അമൃതാണ്!
ഏറും തോറും വിഷമാകുന്ന അമൃത്
ആരെതിർത്താലും ഞാനത്
പാനം ചെയ്തുകൊണ്ടേയിരിക്കും.
അവസാന ശ്വാസവും നിലക്കും വരെ
ഹൃദയ താളം നില്ക്കും വരെ
ഞരമ്പുകളിൽ രക്തമുറഞ്ഞു തീരും വരെ…
ആചാര വെടികളില്ലാതെ
അശ്രുപൂജകളില്ലാതെ
ഞാനെന്നെ തിരിച്ചറിഞ്ഞ് …
മണ്ണിലെ മണ്ണായ്
ജലത്തിലെ ജലമായ്
ഞാൻ ഞാനായിത്തീരും വരെയ്ക്കും
ഞാനിത് പാനം ചെയ്തു കൊണ്ടേയിരിക്കും
എന്റെ സ്വാതന്ത്ര്യം,
ഏറും തോറും വിഷമാകുന്ന അമൃത് !
ഏറും തോറും വിഷമമാകുന്ന അമൃത് !!
