ചുറ്റിലും നിറപുഷ്പങ്ങൾ വാടി
വെയിലിന്റെ ചൂടിലുരുകുന്നു ഗന്ധം
പാറിക്കളിക്കുന്ന മധുപന്
ദാഹത്താൽ ചിറകിനാലസ്യം.
അകലേക്കകലേക്ക്‌ പോകാൻ
അവിടെയൊന്നും പൂക്കളില്ല.
ചിറകുകൾക്കിടയിൽ ഞെരിഞ്ഞപോലെ
ഇവിടെ തനിച്ചാക്കി കൊച്ചുലോകം.
മധുരമൂറുന്നു മണമിന്നെത്രയും
ഇതളുകളാം ചുണ്ടുകളിൽ ചിരിവരണ്ടു.
കോരിത്തരിപ്പിച്ച തണുപ്പിനെയോർമ്മിക്കെ
വണ്ടവൻ മുൻപ് പൊഴിഞ്ഞ പൂക്കൾ തൻ ചിരി കണ്ടു.
ഓരോനിനവിലും ഇതളുകൾ നിറയുന്ന
ഈ മലർവാടിയിൽ പൂക്കൾ വാടിക്കഴിഞ്ഞു
Click this button or press Ctrl+G to toggle between Malayalam and English