അകന്നകന്ന്
ഇരുധ്രുവങ്ങളിലേക്ക്
എത്തിപ്പെട്ടു നാം.
വിരഹത്തിന്റെ തീഷ്ണതാപത്തിലും
ഉരുകാത്ത മഞ്ഞുപാളികളായി നാം.
വ്യർത്ഥമായ വാശിയിൽ
ഉറഞ്ഞുപോയ കഠിനരൂപങ്ങളായി.
അലിയാത്ത മാനസങ്ങൾക്കിടയിൽ
മൗനം, ഒരു മഹാസമുദ്രത്തിന്റെ
അപാരതപോലെ നിലകൊണ്ടു.
ഇന്ന് നാം രണ്ട്
വിഭിന്ന ഭൂഖണ്ഡങ്ങളായ്
അറിയപ്പെടുന്നു.
പരസ്പ്പരം ഒരിക്കലും
കാണാത്ത , അറിയാത്ത
ഏകാകികളായ രണ്ട് വൻകരകൾ.
Click this button or press Ctrl+G to toggle between Malayalam and English