എന്താണ് ആഗ്രഹം ?
-മോക്ഷം.
സാധ്യമാണെന്ന് തോന്നുന്നുണ്ടോ?
-ഇല്ല.
പിന്നെ?
-ആഗ്രഹമല്ലേ ചോദിച്ചത്?
അടുത്ത ജന്മം ആരാകണം?
-പെൺ കാക്ക.
എന്തിന്?
-ഉദകക്രിയകളുടെ പങ്കുപറ്റി, ആത്മാക്കളെ ആവാഹിച്ച്, ഉൾകൊണ്ട്, അവയ്ക്ക് പുനർജന്മം നൽകി മോക്ഷപ്പെടാൻ.
ഈ ജന്മത്തിലെ ഇതിലെ ആരെല്ലാം കൂടെ വേണം?
– ആരും വേണ്ട.
എന്തുകൊണ്ട് ?
-എനിക്ക് മടുത്തു, അവർക്കും. പുതുമകളെയാണ് ഞാൻ ഉറ്റുനോക്കുന്നത്. ആരെയും കാത്തു നിൽക്കാനോ കൂടെകൂട്ടാനോ ആവില്ല.
മടുത്തെങ്കിൽ എന്തുകൊണ്ട് സ്വയം സ്വയം മരിച്ചില്ല?
-ഞാൻ സ്വാഭാവിക മരണം അർഹിക്കുന്നു
‘വരിക’ എന്നു ഞാൻ പറഞ്ഞാൽ എന്തു ചെയ്യും?
-അലങ്കാരങ്ങളെ താഴെ വെച്ച് ആ നിമിഷം ഞാൻ പുറപ്പെടും
വരിക
-വന്നു.
