“വരുമളവരികളുമകമഴിഞ്ഞേ
വരികിലില്ലൊരു പിഴ,യപയമെന-
ക്കരുളെന്നിലരുൾചെയ്‌വതഴകറിവോ-
ർക്ക,തിനുളള വഴിയിന്നുമുരചെയ്യലാം,
ഒരുവനചരനൊരു പറവ കനി-
ന്തുടലിരയിടുമതിനിണയെ മുന്നം
പൊരുതതു കരുതരുനെന്നും നിനവേ
പൊരുന്നിനതറിവവരറിവവരേ.” 89
“അറിവുറുമരികുലവരചന്മൊഴി-
ഞ്ഞളവങ്ങു തചമുകനിളയവനോ-
ടുറവിനെയുടനൊരു നൊടിയിലണൈ-
ത്തുരമികു പടകങ്ങൾ കുമറിവര-
തിറമുറു നിചിചരവരൻ മുടിമേൽ
തെളിവെഴുമരചരിലിളയവനാൽ
കറയറു പൊഴുതിനിൽ വളരപിഴേ-
കവും വന്നു കഴിവോളമിളകിനരേ.” 90
“ഇളകുമിമ്മറികടൽ കടന്നുകൊൾവാൻ
ഇനി നല്ലതുരചെയ്‌വിൻ വിരവിനൊടെ-
ന്റിളയവനൊടുമരിവരനൊടു മു-
റ്റെഴിൽമികു നിചിചരനൊടുമരചൻ
തെളിവൊടു വിനവിനപൊഴുതഴകിൽ
തിറവിയ പരവയൊടഴിഞ്ഞതികം
തെളുതെള വഴിയിരന്നരുളുക നി-
ന്തിരുവടിയെന മൊഴിഞ്ഞനരവരും.” 91
“അവരതു മൊഴിഞ്ഞളവരചർപിരാൻ
അടിമുടി വടിവൊടു പൊടിയണിയ,
കവിവരർ തുതിചെയ്യ,നിവരെ മലർ-
ക്കഴൽ, കരകമലങ്ങൾ തൊഴുതുയര,
ഉവരിയൊടഴകെഴ വഴിതരുകെ-
ന്റുടനുടനിരന്നുരതലമമിഴ-
പ്പുവനിയിലൊളികിളരുടൽ കമിഴ-
പ്പുകൾമികുപുല്ലിൻമിചൈയണന്തനനേ.” 92
“പുല്ലിൻമിചൈയണന്ത നല്ലരചനുപോയ്‌
പൊടിഞ്ഞിതു ചിന,മിനനുതയങ്ങൾ മൂ-
ന്റളവിന്നു കഴിഞ്ഞു, വൻചിലൈയുമെടി-
ങ്ങഴകെഴും ചരങ്ങളുമിളയവനേ,
അലൈകടൽ മറുവറക്കുറുകി വര-
ണ്ടതിലുളള പൊടിയെഴവരികൾ കട-
ന്നുലകിടെയൊരുതടമതുമെന്നുമാ-
റുരപെറുമിനിയെന്ന മൊഴിഞ്ഞെഴുന്നാൻ.” 93
“എഴുന്നവനെരിയുമിഴ്‌ പകഴികളാൽ
ഇടതുടർന്നങ്ങുമിങ്ങും പൊഴിഞ്ഞളവേ
കുഴഞ്ഞന വളർചെലചരങ്ങളെല്ലാം
കുറുകിന പുനലിടെയുയിർപിരിഞ്ഞേ
അഴകിൽ വന്നരുളിന വരുണനഴി-
ഞ്ഞണിപുകൾ നളനെന്നുമരിവരനാൽ
പിഴൈയറു ചിറൈയിടുകവനതിനോ
പെരിയൊരു പണിയില്ലയെന മൊഴിഞ്ഞാൻ.” 94
“മൊഴിഞ്ഞളവഴിഞ്ഞിതു നരപതിതൻ
മുനിവുളളിലിനിയ വല്ലരികളെല്ലാം
പൊഴിഞ്ഞന മരങ്ങളുമചലങ്ങളും
പുണരിയിലിടതുടർന്നവരവരാൽ,
എഴുന്നിതു തിറമുറു ചിറ, നളനാൽ
ഇടയിടമറിവിനു കയറു പിടി-
ച്ചഴിനില വരുവിതു വിലങ്ങുകിലെ-
ന്റളന്നു,ളരരിവരരതിലറിവോർ.” 95
“അതിലതിലതികമുളളവകളടർ-
ത്തചലങ്ങൾ മരങ്ങളുമുപലങ്ങളും
ചതമകപകയനു മുടിവിനു യോ-
ചനചതവഴി വളർചിറയിടുവാൻ
ഉതതിയിനുയര വന്നവരവരേ-
യുടനുടനിടുമവ കരങ്ങളിലേ-
റ്റിതമെഴയൊരുവക തടമെനവേ-
യെഴുന്നിതു നളനെന്നുമരിവരനാൽ.” 96
“അരിവരർ തിരപൊരു പരവ വകൈ-
ന്തണിപുകൾ നിചിചരപുരിയളവും
തെരുതെര വഴിനട ചമയുംവണ്ണം
തിറവിയ ചിറപണി തുടങ്ങിനനാൾ
ഇരുപതിലുള കുറഞ്ഞവയിരുമൂ-
ന്നി,രുപതുമറുപകൽ, പിന്നെ വരുനാൾ
തരമെഴയിരുപതിൻ മികവൊരു യോ-
ചന വഴിയെഴുന്നിതു വളർചിറതാൻ.” 97
“വളർചിറയൊരു പകലിരുപതിര-
ണ്ടതിൽ വഴി, മികുതിയുമറുപകൽ മൂ-
ന്റുള പിന്നെയതികമിങ്ങിരുപതിൻ മേൽ,
ഉറുതിയൊടെഴുന്നിതു ചിറ മുഴുവൻ,
തളപിരിഞ്ഞിളകിന കടൽ ചതയോ-
ചനവഴി തെരുതെര നടപെറുവാൻ
ഒളിവെഴയെഴുന്നതിൻ വഴി കടന്നാർ
ഉവരിതൻ മറുകരയരികളെല്ലാം.” 98
“അരികളുമരികളിലരചനും ന-
ല്ലരുവൈയിൽ മതികെട മനമഴിയും
നരപതിതനയനുമിളയവനും
നലമിലകിന നിചിചരവരനും
മരനിര മലമുകൾ നല്ല ചൂലവും
വളർകെത പകഴിയും വില്ലുമതിയും
കരങ്ങളിലിളകിന പടകടന്ന-
ക്കരതന്നിൽ നിറഞ്ഞിതു പരവതരം.” 99
Generated from archived content: sreeramacharitham9.html Author: cheeraman
