“അല്ലൽ പോമരികുലത്തെയടക്കിനാല,തിനു നീ നിൻ
വില്ലൊലികൊൾക ചെന്റുവിയൻകൊൾ പോർക്കളത്തിലെ,ന്റു
ചൊല്ലിനാനിലങ്കവേന്തൻ തൂമ്മിരനയനനോടു,
ചൊല്ലിനാനവനും കൂടച്ചൊല്ലെഴും പടനടപ്പാൻ.” 188
“നടന്തിതു തേരിന്മേലും നലംകൊൾ മന്തിരത്തിന്മെയ്യാ-
യിടന്ത പോരാനമേലുമെഴുഞ്ചെഴും കുതിരമേലും
തുടംകിളർ കഴുതമേലും തൂയവൊട്ടുകങ്കൾമേലു-
മിടംകൊൾ ചിങ്കങ്കൾമേലുമിതവിയ കാലാളായും.” 189
“ഇതവിയ കൂടം, ചൂല, മീട്ടി, വിട്ടേറു, ചൊട്ട-
യതിയിരിപ്പെഴുകു,കുന്ത,മാഴി,വിൽ,പീലിക്കുന്തം,
കുതിരവാൾ, നൂറ്റുക്കൊല്ലി, കൊടിയവേൽ, പിണ്ടിപാലം,
കെതകളും മറ്റുമേന്തിക്കിളരൊളിയെഴ നടന്താർ.” 190
“ഒളിവെഴുമായുതങ്കളോരോവകൈ നിറൈത്തുക്കൊണ്ടു
തെളിവിനാലുഴറിത്തന്തേൻ തിറവിയ വഴിക്കു കൂട്ടി
വളരിളം കഴുകു പായ്‌ന്തുവന്തുടൻ തേരിൻമുൻപിൽ-
ത്തെളിവെഴപ്പൊഴിന്തു ചോരി തിറംകൊൾ തേർ നടന്തനേരം.” 191
“നടക്കയിൽക്കുതിരയഞ്ചി നടുങ്കിവീഴ്‌ന്തന,നറുന്തോൾ
തുടിത്തുതങ്ങിടത്തുപാടു, തുയർന്തന ചിവങ്കളെല്ലാം,
തടുത്തന പറവനന്റായ്‌,ത്തകും പുകൾ കതിരോൻവിമ്പം
തുടുക്കനച്ചുവന്തപോതു തുലയാതെ നടന്താൻ വീരൻ.” 192
“വീരനുമറൈച്ചറൈച്ചു മികവെഴും പിഴ കണ്ടഞ്ചി-
ത്തോരൊടും വരുണൻതിക്കിൽ തിറംകൊൾ കോപുരത്തിനൂടേ
പോരിടെപ്പൊഴിന്തു വാണം പൊരുതുനിന്റരികുലത്തെ
മാരുതിയണൈയുംമുന്നേ മണ്മിചൈ നിരത്തിനാനേ.” 193
“നിരത്തിനാർ പത്തിരട്ടി നിചാചരവീരരൈക്കൊന്റൊ-
രക്കണമൂഴിതന്മേലുണർവെഴും കുരുക്കുവീരർ
ഒരുത്തനെയൊരുത്തനെക്കൊണ്ടുടനുടനെറിന്തും പായ്‌ന്തും
മരത്തലൈകളാലറൈന്തും മലകളാലെടുത്തെറിന്തും.” 194
“എറിന്തനനചലമൊന്റാലെതിർത്തു മാരുതി,യവേറു-
പിറന്തപോതകലെ വാങ്കിപ്പിഴകണ്ടനേരമേറ്റം,
നുറുങ്കിവീഴ്‌ന്തിതു നറുന്തേൻ നൊടിയിടൈക്കെതകൊണ്ടേറ്റി-
പ്പറന്തപോലകലവാങ്കിപ്പടർപുകഴരക്കനാർത്താൻ.” 195
“ആർത്തവൻ കെതയാൽ വമ്പിലടിത്തതു പൊരുൾക്കൊളളാതെ
ചീർത്തതോർമലൈയെടുത്തു തിറംകിളരനൂമൻ പിന്നും
തൂർത്തനായടൽ കിടൈത്ത തുമ്മിരനയനൻതന്മെയ്‌
നേർത്തനുൺമണലായ്‌ വീഴ്‌ത്തി നിലപെറുത്തുടനെറിന്താൻ.” 196
“എറിന്തതേറ്റരക്കൻ വീൾന്താ,നെഴുഞ്ചെഴും പറവെപ്പോലെ
പറന്തനരരക്കരെല്ലാം പയത്തിനാലുയിർത്തുകൊൾവാൻ,
അറൈന്തറൈന്തവർകൾ പിൻപെയടുത്തടുത്തരികൾ ചെല്ല-
മറൈന്തനരകത്തുപുക്കു മറലിതൻ പുരമടാതോർ.” 197
“അടുത്തനരന്തകൻവീടനുമനോടരിയ വൻപോർ
തൊടുത്ത വല്ലരക്കരൊക്കത്തൂമ്മിരനയനനോടും
തടുക്കെനയെന്റു കേട്ടു തയമുകൻ വച്ചിരംപോൽ-
ക്കൊടുപ്പമാണ്ടെകിറനോടു കൂറിനാൻ കുറുകക്കൊണ്ടേ.” 198
Generated from archived content: sreeramacharitham18.html Author: cheeraman
