“ഇലക്കണനുടെ തമയനോടടൽ തൊടുത്താർ
അലപ്പിനൊടുറങ്കുമവരന്തകനും, വാനും
കുലൈക്കുമമ്മകകോപനു,മങ്കികൊടിയോനും,
ഉലൈപ്പതരുതാം കിരണകേതനനുമൊത്തേ.” 155
“ഒത്ത പനതൻ മിന്നൊളിനാവനൊടെതിർത്താൻ
അത്തനയിലേ നളനടുത്തനനടൽക്കായ്‌
മെത്തുമുരചേർ പിരതവൻ തന്നൊടു;മിക്കോർ
ചിത്തിരമെഴുംപടി ചിനത്തിനൊടെതിർത്താർ.” 156
“എതിർത്ത പടയിൽ കപികുലത്തരചർ വെന്നാ-
രിതിൽപ്പെരിയരക്കരെയെല്ലാരെയുമെല്ലാരും;
ഉതിത്തുയർ പതങ്കനുടനേ കടലിൽ വീണ്ണാ-
നതിൻ പിന്നെയരക്കരതികത്തിനു ചമൈന്താർ.” 157
“ചമന്തളവിലേ തടിയും മാമരവും വാനെ-
ച്ചുമന്ത മലയും തുടർന്തെറിന്തെറിന്തു പോരിൽ
അമിഴ്‌ന്ത കവിവീരരെയരക്കർ ചിലർ വാലെ-
ക്കമിഴ്‌ന്തു തടവിക്കൈകൊടറന്തറന്തു ചെന്നാർ.” 158
“ചെന്നങ്ങണയച്ചിലർ നിചാചരനല്ലീ നീ-
യെന്നു തടവിക്കൈകൊടു വല്ലെകിറു കണ്ടാൽ
കൊന്നുടനുടെൻ കുതർന്തരക്കരെ മുടിത്താർ;
വെന്നിതരിവീരർ മലകൊണ്ടും ചിലകൊണ്ടും.” 159
“കൊണ്ടെരിഞ്ഞ കോപമൊടു വന്തറുവർ മൂടി-
ക്കൊണ്ടവരെയും മുന്നമന്നാൽവരെയും വേറേ
കണ്ടളവിൽ വൻപടയൊടും പൊരുതടക്കി-
ക്കണ്ടകകുലം കനമൊടുക്കിനനിരാമൻ.” 160
“ഒടുക്കുമവൻ വാണങ്ങളുമായുതങ്ങളും മ-
റ്റെടുത്തവയെടുത്തവയൊടിത്തിനിയ തേരും
പൊടിച്ചെയ്‌തലറിപ്പൊരുത വാലിമകനെക്ക-
ണ്ടിടിക്കുരലൻ മായയൊടിരുട്ടിട മറൈന്താൻ.” 161
“മറന്തുരകമത്തിരമെടുത്തടലിലെങ്കും
ചിറന്ത കവിവീരരുടലും ചിരവുമെല്ലാം
നുറുങ്കുംവണ്ണമെയ്‌തു മുടിയിൽക്കൊടുമ കൈക്കൊ-
ണ്ടറന്തനൻ; മറന്തരചർകോനൊടുമണന്താൻ.” 162
“അണന്തു മുടിയോടടികളോടിടയിലെങ്കും
തുണിന്തു വരുമാറുടനുടൻ തുടുതുടമ്പാൽ
പിണന്തളവിലേ പൊഴിന്തു പിൻപിറന്നവൻ മൈ-
യ്യണിന്തനനണന്ത കൊടിയത്തിരങ്കൾകൊണ്ടേ.” 163
“കൊണ്ടുടലിലേറിന കൊടും കണകൊടും പോ-
രിണ്ടൽ പെരുതായിരുവരും പുവിയിൽ വീണ്ണാർ,
അണ്ടമിളകുംപടിയരക്കനലറക്കേ-
ട്ടെണ്ടിചയും നോക്കിയെഴുന്താരരികളെല്ലാം.” 164
“എഴുന്തുപോമരികളുളളതിനിയെന്റു കരുതി-
ത്തൊഴിതിരാവണൻ ചൊല്ലിയരചൻ തുയരെല്ലാം
പിഴയില്ലാതനിലയംതന്നിലവൻ പെരുമചേർ-
ന്നഴകിനൊടുടനിരുന്തനനരുന്തവമുളേളാൻ.” 165
Generated from archived content: sreeramacharitham15.html Author: cheeraman
