ചിലപ്പ്

 

 

 

 

 

1.പെണ്ണെഴുത്ത് 

“എഴുതിയതെല്ലാം മാച്ചോണം”

“ഇല്ല, ഞാന്‍ എഴുത്തുകാരിയാണ് ,

എന്‍റെ തൂലിക പടവാളാണ് .”

“ഓ , എങ്കില്‍ എഴുതിയതെല്ലാം 

വെട്ടിക്കളഞ്ഞേക്കൂ “

 

2.ജീവിതം  

അദ്ഭുതങ്ങള്‍ സംഭവിക്കും 

എന്നു കരുതി കാത്തിരുന്നു 

ഒടുവില്‍

 അത് സംഭവിച്ചു 

അദ്ഭുതങ്ങള്‍ സംഭവിക്കില്ല 

എന്ന തിരിച്ചറിവ് 

 

3.എതിര്‍ലിംഗം 

അര്‍ത്ഥം

നാനാര്‍ത്ഥം 

അര്‍ത്ഥവ്യത്യാസം 

പര്യായം 

എന്നിവയ്ക്കൂ ശേഷം 

ചോദ്യക്കടലാസില്‍ ഒരിനം 

 

4.ഓര്‍മ്മ 

“ഓര്‍മ്മകളുണ്ടായിരിക്കണോ ടീച്ചറേ ?”

“ഓര്‍മ്മകളുണ്ടായിരിക്കണം കുഞ്ഞേ “

“മറവി അനുഗ്രഹമല്ലേ ടീച്ചറേ?”

“മറവി അനുഗ്രഹമാണ് കുഞ്ഞേ “

“അപ്പോ, ഓര്‍ത്തിട്ട് മറക്കണോ,

മറക്കാന്‍ ഓര്‍ക്കണോ ?”

“മറക്കുന്നതൊക്കെയും 

ഓര്‍മ്മയാകും കുഞ്ഞേ  “.  

 

5.മണം

“മുറ്റത്തെ മുല്ലക്ക്

മനമില്ലേ ടീച്ചര്‍ ?

“മുറ്റത്തെ മുല്ലക്ക് 

മണമില്ല കുഞ്ഞേ “

“മനമില്ലാത്തോണ്ടാണോ 

മണമില്ലാത്തെ ?”

“മണമറിയാനുള്ള മനമില്ലാഞ്ഞ് “.

 

6.പ്രണയം 

നദിയിലൂടെ 

പല മുഖങ്ങള്‍ ഒഴുകിപ്പോകുന്നു 

കരയില്‍ 

ഞാനതു നോക്കിയിരിക്കുന്നു 

നിര്‍വ്വികാരമായി 

 

7.വേദന 

“ഡോക്ടറേ ,വേദന .

വലത്തേക്കു ചെരിയുമ്പോള്‍ 

വയറ്റില്‍ “

“വലത്തേക്കു ചെരിയരുത് “

“ഇടത്തേക്ക് ചെരിഞ്ഞാല്‍ നെഞ്ചില്‍ “

“ഇടത്തേക്ക് ചെരിയരുത് “

“നേരെ കിടന്നാല്‍ നടുവേദന “

“നേരെ കിടക്കരുത് “

“അപ്പോള്‍ ?”

“കിടക്കുകയേ അരുത് “

 

8.സാനിട്ടയ്സേഷന്‍ 

തൊട്ടിട്ട് 

കൈ കഴുകല്ലേ സാര്‍ 

കൈ കഴുകീട്ടു തൊടന്നേ 

 

9.ടീച്ചേഴ്സ് ഡേ 

“വയ്യ മാഷേ ,മടുത്തു 

കഴുത്തൊടിഞ്ഞു 

നടു വളഞ്ഞു “

 

“സാരമില്ല ടീച്ചറേ 

ഹാപ്പി ടീച്ചേഴ്സ് ഡേ “

 

“താങ്ക് യു സാര്‍ 

സെയിം  ടു യു “

 

10.പൊന്ന് 

മിന്നുന്നതെല്ലാം പൊന്നല്ലേ മാഷേ 

അല്ലല്ലോ കുഞ്ഞേ 

മിന്നാത്തതൊക്കെയും 

പൊന്നാവ്വോ മാഷേ 

ഇല്ലല്ലോ കുഞ്ഞേ 

മിന്ന്യാലും പൊന്നല്ല മിന്നീല്ലേലും പൊന്നല്ല 

പിന്നെ പൊന്നെങ്ങനറിയും മാഷേ 

ഉരച്ചു നോക്കണം 

തിളപ്പിച്ചുരുക്കണം 

തല്ലിപ്പരത്തണം 

എന്നാലും മിന്നണത് പൊന്ന് 

എന്നാളും മിന്നുന്ന പൊന്ന് 

 

11.കഴുത്ത് 

“ഡോക്ടറെ ,

കഴുത്തു വേദന “

 

“സാരമില്ല “

 

“കഴുത്തൊടിഞ്ഞു പോകുന്നു “

 

“തല നിവര്‍ത്തി നടക്കില്ല 

കണ്ണുയര്‍ത്തി നോക്കില്ല 

നാവനക്കി മിണ്ടില്ല 

പിന്നെന്തിന് കഴുത്ത് ?

 

12.കടി 

“ഏട്ടാ ,കൊതുക് കടിക്കണു 

നല്ലോണം പുകച്ചതാണ് 

പങ്ക കറങ്ങണ്ണ്ട് 

എന്നിട്ടും കടിക്കാണേട്ടാ കൊതുക് “

“അതേയ് ,നീ പുകഞ്ഞതും പുകച്ചതും 

കറങ്ങീതും കറക്കീതും 

കൊതുകറിഞ്ഞിട്ട്ണ്ടാവില്യാ 

അതാ “

 

13.ദൂരം 

ദൈവമേ 

എനിക്കു നിന്നിലേക്കുള്ള 

ദൂരത്തിന്‍റെ പേരോ 

പ്രണയം ?

 

14.കവിത 

കവിതയാകാന്‍ 

വിധിക്കപ്പെട്ടതാണ് 

ജീവിതത്തിലെ ഓരോ മുഹൂര്‍ത്തവും 

 

 

 

അഭിപ്രായങ്ങൾ

അഭിപ്രായങ്ങൾ

അഭിപ്രായം എഴുതുക

Please enter your comment!
Please enter your name here