സ്വസ്ഥത

 

സ്വസ്ഥത സ്വന്തമാകുന്നത്
സുഖമുള്ള ഒരനുഭവമാണ്
സുഖമൊരു സൗകര്യവുമാണ്
അസൗകര്യങ്ങളിൽ നിന്നൊരു ഒളിച്ചോട്ടവുമാണ്
ഏകാന്തത
അവിടെ അസ്വസ്ഥത ഉറഞ്ഞു തുള്ളാറില്ല
അസൗകര്യങ്ങൾ വലിഞ്ഞു കയറാറുമില്ല

അലോസരങ്ങൾ അലസം നടക്കുന്നിടങ്ങളിൽ
അറിയാതെയാണ് ഉരസുന്നത്
അതറിയുമ്പോഴോ !
ജീവിതം വിരസമാകുന്നു

സാമൂഹ്യ നീതിയും പ്രതിബദ്ധതയുമൊക്കെ
കൊടിയും പിടിച്ചു മുറ്റത്തു വരുമ്പോൾ
ഗതികേടിന്റെ ചിരട്ട മിനുക്കിയെടുക്കേണ്ടി വരും
കേരമീശയും കേശവുമില്ലാതെ
ചിരട്ടയകവും പുറവുമൊരുപോലെ
മെഴു മെഴാ മിനു മിനാ

സാരഥ്യത്തിന് വലിയ കമ്പമൊന്നുമില്ല
കമ്പം,കളികൾ, കണ്ടു മടുത്തിറങ്ങിയതാണ്
ഊരിവച്ചതാണ്
ബാഹ്യതകൾക്കതൊന്നും തിരിയില്ല
ബാഹ്യതകൾ എന്നും ബാഹ്യമായിത്തന്നെ നിലനിൽക്കുന്നു
അകമേയുറങ്ങുന്നവർ അകമഴിഞ്ഞ് ചിരിക്കുന്നു
പുറമെയുള്ളവർ അകമേയുള്ളവരെ
കാണുന്നില്ല അറിയുന്നില്ല
അകമേയുള്ളവർ അകവും പുറവും
ഒരുപോലെ കാണുന്നു അറിയുന്നു…

അഭിപ്രായങ്ങൾ

അഭിപ്രായങ്ങൾ

SHARE
Previous articleപുഴ
Next articleസാഹിത്യ സംഗമവും നോവൽ ചർച്ചയും
യു ഏ യിൽ താമസമാക്കിയ ഒരു ഇരിങ്ങാലക്കുടക്കാരി....കുഞ്ഞിലിക്കാട്ടിൽ ഉണ്ണിച്ചെക്കൻറെയും പദ്മിനിയുടേയും മകൾ, അശ്വനിയുടെ വാമഭാഗം. ദക്ഷിണ ഭാരത ഹിന്ദി പ്രചാരസഭയിൽനിന്നും ഹിന്ദി പ്രവീൺ, കമ്പ്യൂട്ടർ ആപ്പ്ളിക്കേഷനിൽ പ്രൊഫഷണൽ ബിരുദം,പ്രകൃതി സ്‌നേഹി.... ഓർമകളും,നൊമ്പരങ്ങളും, മറവിയിൽനിന്നു കണ്ണുപൊത്തിക്കളിക്കുമ്പോൾ....... സംവേദനം നേരിട്ടാകാൻ കഴിയാത്ത സന്ദർഭങ്ങളിൽ..... അപ്പോഴൊക്കെ വിരിയുന്നവയാണ് ഈ ചെറിയ ശീലുകൾ,വാക്കുകൾ,വാക്യങ്ങൾ.... അവ കാതോർക്കുന്നവർ, കണ്ണോടിക്കുന്നവർ നിങ്ങളാണ്. നിങ്ങളോട് ഞാൻ എന്നെക്കുറിച്ചു മറ്റെന്തു പറയാൻ..... എഴുത്ത് ഇതുവരെ:- "അച്ഛൻ ഓർമ്മകൾ " എന്ന പുസ്തകത്തിൽ ഒരു ചെറു ഓർമ്മക്കുറിപ്പ് പ്രസിദ്ധീകരിച്ചിട്ടുണ്ട്. "56 പെൺകവിതകൾ" എന്ന കവിതാസമാഹാരത്തിൽ ഒരു കവിത പ്രസിദ്ധീകരിച്ചിട്ടുണ്ട്. "Loneliness Love Musings and Me എന്ന ഇംഗ്ലീഷ് കവിതാസമാഹാരം പ്രസിദ്ധീകരിച്ചിട്ടുണ്ട്.

1 COMMENT

അഭിപ്രായം എഴുതുക

Please enter your comment!
Please enter your name here