കൊളംബിയക്കെതിരായ സൗഹൃദ മൽസരത്തിൽ സമനില വഴങ്ങി ബ്രസീൽ. കളിക്കളത്തിലേക്ക് തിരിച്ചെത്തിയ നെയ്മർ ബ്രസീലിനായി മികച്ച പ്രകടനം നടത്തി. ആദ്യ പകുതിയിൽ 2-1ൻെറ ലീഡ് വഴങ്ങിയ ശേഷമാണ് ബ്രസീൽ സമനില പിടിച്ചത്.
20ാം മിനിട്ടിൽ നെയ്മറിൻെറ കോർണർ വലയിലെത്തിച്ച് കാസ്മരോ ബ്രസീലിനായി ആദ്യ ഗോൾ കുറിച്ചു. എന്നാൽ, ബ്രസീലിൻെറ ലീഡിന് അധിക ആയുസ് ഉണ്ടായിരുന്നില്ല. 25ാം മിനിട്ടിൽ പെനാൽട്ടിയിലൂടെ കൊളംബിയ സമനില പിടിച്ചു. കളിയുടെ ഒന്നാം പകുതി തീരാൻ 11 മിനിട്ട് മാത്രം മികച്ചൊരു നീക്കത്തിലൂടെ കൊളംബിയ മൽസരത്തിൽ ലീഡ് നേടി.
രണ്ടാം പകുതിയിൽ കൂടുതൽ മികച്ച കളി പുറത്തെടുക്കുന്ന ബ്രസീലിനെയാണ് കണ്ടത്. 58ാം മിനിട്ടിൽ കൊളംബിയൻ പ്രതിരോധം പിളർത്തി കുട്ടീഞ്ഞോ നൽകിയ ലോങ് പാസ് പിഴവുകളില്ലാതെ നെയ്മർ വലയിലെത്തിച്ചു.
