ഭൂമിക്കാരൻ കിട്ടി. മണ്ണിന്റെ മണമുളള ഒരു പേരിട്ട ആൾ ‘കുട്ടിക്കാരൻ’ തന്നെ! ആ മനക്കട്ടി ഭൂമിക്കാരനെ വിജയിപ്പിക്കട്ടെ.
-ചെമ്മനം ചാക്കോ
* * * * * * * * * * * * * * * * * * * * * * * * *
ശ്രീകല ‘ഭൂമിക്കാരന്‌’ ഒരു വരദാനമാണ്‌. ശ്രീകലയുടെ മനസ്സിലും വാക്കിലും ഇടിമുഴക്കമുണ്ട്‌. സംതൃപ്‌ത ജീവിതത്തിന്‌ ഇനിയും ഏറെ എഴുതണം. വരയ്‌ക്കണം, വായിക്കണം, നന്മകൾ മാത്രമാശിച്ചുകൊണ്ട്‌,
-ആശ, തൃശൂർ
* * * * * * * * * * * * * * * * * * * * * * * * *
ഭൂമിക്കാരൻ കൈപ്പറ്റി, ശ്രീകലയുടെ “ഭർത്താക്കൻമാർക്കുളള മുന്നറിയിപ്പ്‌” ശ്രദ്ധിച്ചു. ജീവിതം സംതൃപ്‌തമാകുമ്പോൾ ‘പോടാ പുല്ലേ’ എന്ന്‌ പ്രഖ്യാപിച്ച്‌ ജീവിതത്തെ നേരിടാനുളള തന്റേടം പങ്കാളിക്കുണ്ടാവണം. അല്ലാതെ വിധേയപ്പെടുകയല്ല വേണ്ടത്‌.
-മണി കെ.ചെന്താപ്പൂര്‌
* * * * * * * * * * * * * * * * * * * * * * * * *
പത്രം ചെറുതാണെങ്കിലും അതുയർത്തുന്ന ആശയങ്ങൾക്കും മൂല്യങ്ങൾക്കും വലിപ്പമേറെയുണ്ട്‌.
തമ്പി കരിക്കാട്ടൂർ, ജനഃസെക്രട്ടറി, കേരള പ്രസ്സ്‌ അസ്സോസിയേഷൻ
* * * * * * * * * * * * * * * * * * * * * * * * *
മദ്യവും മയക്കുമരുന്നും സമൂഹത്തെ ആകെ ഗ്രസിച്ചിരിക്കുന്നതുകൊണ്ട്‌ സാമൂഹ്യതിന്മകൾക്കെതിരെ നിദാന്തജാഗ്രത വേണം.
-മാത്യു.എം., കണ്ടത്തിൽ, കണ്ണൂർ
* * * * * * * * * * * * * * * * * * * * * * * * *
ഭൂമിക്കാരൻ എന്ന പത്രത്തിന്റെ ഉളളടക്കം കാര്യമാത്ര പ്രസക്തവും ചിന്താർഹവുമാണ്‌.
-ടി.ആർ. തിരുവാഴാംകുന്ന്‌
* * * * * * * * * * * * * * * * * * * * * * * * *
പ്രിയപ്പെട്ട ജേപ്പീ, ഞാൻ 8-ാം ക്ലാസിൽ പഠിക്കുന്ന ഒരു വിദ്യാർത്ഥിയാണ്‌. സംസ്‌കൃത സർവ്വകലാശാലയിൽ ജോലി ചെയ്യുന്ന എന്റെ അമ്മ മുഖേനയാണ്‌ ഞാൻ ഈ പത്രം കാണാനിടയായത്‌. പത്രം എത്ര ചെറുതാണെങ്കിലും അതിന്റെ ഉളളടക്കത്തിലാണ്‌ പ്രാധാന്യം. അങ്ങനെ ചിന്തിക്കുമ്പോൾ ഭൂമിക്കാരൻ ചില മൂല്യങ്ങളിൽ മറ്റു പത്രങ്ങളെ പിന്നിലാക്കുന്നു.
-അർവിൻ കെ.രാജ്‌, മുവാറ്റുപുഴ.
* * * * * * * * * * * * * * * * * * * * * * * * *
Generated from archived content: letter_mar.html
