സമരം
ആ മരം
ഈ മരം
കോമരം
സമരം.
വേലി
വേലി കെട്ടിയാൽ
ചന്ദനം വളർത്താം
താലികെട്ടിയാൽ
ബന്ധനം വരിക്കാം
പുതുമൊഴി
ചങ്ങാതിയുണ്ടെങ്കിൽ
കണ്ണാടി നന്ന്‌
കണ്ണുകടിയുണ്ടെങ്കിൽ
ചങ്ങാതി‘പോരാ’
പാപികൾ
പാപമെൻമക്കൾ
കെഞ്ചുമവരെന്റെ
മുന്നിൽ പലതിനും
ഭാര്യതൻമുന്നിൽ
പതറും പാപി-
ഞാൻ വിരട്ടുമവരെ.
തിരിച്ചറിവ്‌
പരസ്‌പരാനന്ദജീവിതം സ്വർഗീയം
പൈശാചികാനന്ദം അതിനിന്ന്യം
പൂജ
കാര്യസിദ്ധി പൂജ കൊണ്ട്‌
കഷ്‌ട-നഷ്‌ട്ട സിദ്ധി നിശ്ചയം.
മുഖംമൂടി
മുഖം മാറ്റാൻ ഇഷ്‌ടമാണ്‌
മുഖം മൂടി മാറ്റാനാവില്ല.
തന്നെത്താനാവില്ല
മറ്റൊരുത്തന്റേതായാലും.
നല്ലജീവി
മരണമില്ല ജീവിതവും
സൗഹൃദമില്ല സാഹോദര്യവും
കക്ഷിയില്ല പക്ഷവും
ഹാ ! എത്ര നല്ല ജീവി ഞാൻ.
സംശയം
മനം നന്നെങ്കിൽ
ജപമെന്തിന്‌?
Generated from archived content: poem5_nov11_06.html Author: jeappy_velamanoor
