ഉഷ മേനോൻ

അമ്മേ പോകയോ... തമ്മിൽ പറയാത്ത, തീരാത്ത കാര്യങ്ങൾ ബാക്കിയി- ട്ടെന്നമ്മ പോകയോ...? ജനിമൃതികൾ ബന്ധിക്കു- മിടനാഴിതന്നേതു തിരിവിലായമ്മനടക്കുന്നു തിരികെ നോക്കാതൊന്നു മിണ്ടാതെ, കരയും വിളിക്കൊരു മറുമൊഴി ചൊല്ലാതെ...? “എന്തെന്നി”തെന്നുമുഖം ചേർക്കുമച്ഛനെ, “അമ്മേ, യമ്മേ”, ശബ്ദമില്ലാതെ സ്തംഭിക്കുമെന്നേ, ‘യരുതേ, നിസ്സാരം’! വിലക്കാതെയെന്തേ? നേരും പുലരുന്നു... പുകയുമടുക്കളക്കോണിൽ വിറയ്‌ക്കുന്നു മാറാല- ഇരുൾ തിന്ന പൈക്കളമറുന്നൂ... തുളസിത്തറയ്‌ക്കുമേൽ കരിന്തിരിയി- ലുറുമ്പു നീളുന്നു. മച്ചിലെപ്പരദൈവ- തട്ടകത്തിൽ നേ...