രേഖ കക്കാട്

    ഇവിടം ഗ്രാമങ്ങളാൽ ദരിദ്രം ഇവിടം ഗഗനചുംബികളാൽ സമൃദ്ധം പാടും പുഴയില്ല പശുവില്ല കുന്നില്ല കൃഷിയില്ല കേരളത്തിൻ കൈപ്പത്തിയിൽ സുഖമായൊതുങ്ങും ഈ കൊച്ചു ദ്വീപ് ഒരു കപ്പ് കാപ്പിക്കു കനിയണം മൂന്ന് രാജ്യങ്ങൾ പാലിനോസ്ട്രേലിയ പഞ്ചസാരക്ക് ചൈന പിന്നെ കാപ്പി- പൊടിക്കിന്ത്യയും. ____________

    കുളിച്ചൊരുങ്ങി നിൽക്കുകയാണോ മരങ്ങളേ കളിചിരികളില്ലാതെ ഉള്ളിലുൽക്കൺഠയുമായ്? കോരിച്ചൊരിഞ്ഞു കുത്തിയൊഴുകാൻ കാത്ത് കൊതിമൂത്തുനിൽക്കും കാർമേഘങ്ങൾക്ക് കീഴെ ഭീതിയാൽ കനംവച്ച മനസ്സുമായ്? കാത്തിരിക്കുകയാണോ കിഴക്കുംനോക്കി കയ്യിൽ വിളക്കുമായെത്തും പുലർ- കാലദേവിയെ കൈകൂപ്പിവണങ്ങുവാൻ? കണ്ണിലെണ്ണയൊഴിച്ചു  നോക്കുകയാണോ കൂത്തമ്പലത്തിലെ പ്രസാദമെന്നും കൈക്കുമ്പിളിൽ വിളമ്പും മുത്തശ്ശിയമ്മയെ? ക്ലേശിക്കുന്നോ മനം എന്നോർത്ത് കാണാത്തതെന്തേ ഇനിയും തിളങ്ങും കുപ്പായമിട്ട്‌ പകലന്തിയോളം മാനത്...