പി. ജി. തങ്കച്ചൻ
ഇടുക്കിയിലെ ആദിവാസി വീടുകൾ
ഇടുക്കി ജില്ലയിലെ ആദിവാസികളിൽ ഒരു വിഭാഗമായ ‘ഊരാളി’മാരുടെ വീടുനിർമ്മാണരീതിയാണ്‌ ഇവിടെ വിവരിക്കുന്നത്‌. പ്രധാനമായും നാലുതരത്തിലുളള വീടുകളാണ്‌ ഇവർ നിർമ്മിക്കുന്നത്‌. വീടിന്‌ ‘പന്ത’ എന്നും ‘പിര’ എന്നും പറയുന്നു. ഇടുക്കി ജില്ലയിലെത്തന്നെ മറ്റു രണ്ടു ആദിവാസി വിഭാഗങ്ങളായ ‘മന്നാൻ’, ‘മുതുവാൻ’ എന്നിവരും ഇത്തരം വീടുകൾ തന്നെയാണ്‌ നിർമ്മിക്കുന്നത്‌. മുതുവാനും വീടിന്‌ ‘പന്ത’ എന്നു പറയുന്നു. എന്നാൽ മന്നാൻമാർ ‘കൂര’ എന്നാണ്‌ പറയുന്നത്‌. താഴെ വിവരിക്കുന്നതിൽ മൂന്നാമത്തെ ഇനമായ വെട്ടിയൊതുക്കൽ വീടാണ്‌ ഈ മൂന്നു...
