പി.ഗോവിന്ദപിളള

‘വിശകലന’ത്തിന്റെ തളിക്കുളം പതിപ്പ്‌ ആദ്യ പ്രതികൾ മുഴുവൻ വിറ്റഴിഞ്ഞു എന്നും മറ്റൊരു പതിപ്പിനായുളള തയ്യാറെടുപ്പിലാണെന്നും അറിഞ്ഞു. അതിൽ സന്തോഷവും അഭിമാനവും ഉണ്ടെങ്കിലും അത്ഭുതം തീരെയില്ല. വാസനാ സമ്പന്നനും വിപുലമായ ജനപ്രീതിയാർജിച്ച എഴുത്തുകാരനും നാടകകൃത്തും കവിയും ആയിരുന്ന തളിക്കുളത്തെക്കുറിച്ചാകുമ്പോൾ വിശകലനത്തിന്റെ ആദ്യ പതിപ്പിന്റെ പ്രതികൾ ചൂടപ്പംപോലെ വിറ്റുപോയതിൽ അത്ഭുതപ്പെടാനെന്തുളളു. അതും സാംസ്‌കാരിക പ്രവർത്തനങ്ങളിൽ അതീവ ശ്രദ്ധാലുക്കളായ ചെറുപ്പക്കാരും പ്രായം ചെന്നവരും ഉളള തളിക്കുളത്താകുമ്പോൾ വ...