മുരളീധരന്‍ തഴക്കര

            പുന്നെല്ലിന്റെ മണം പേറുന്ന മൂവന്തിക്കാറ്റ്. നാട്ടുവഴികളിലൂടെ ഒരു കാളവണ്ടി തൂങ്ങിയാടുന്ന ചിമ്മിനി വിളക്കിന്റെ ഇത്തിരിപ്പോന്ന മങ്ങിയ വെട്ടത്തില്‍ നിന്നു പറന്നുയരുന്ന മൂളിപ്പാട്ട്. ഏനിന്നലെ ചൊപ്പനം കണ്ടേ പാടവരമ്പത്തു മുത്തുകള്‍ കണ്ടേ... ഏതോ ഭൂതകാലത്തു നിന്ന് വന്നു, ആ വഴി മറ്റേതോ കാലത്തിലേക്കു മാഞ്ഞുപോകുന്ന കാളവണ്ടി... അതോടൊപ്പം മാഞ്ഞുപോകുന്ന ഗൃഹാതുരത്വമുണര്‍ത്തുന്ന സംസ്‌കൃതികള്‍... പുഴയോരത്തെ എക്കല്‍ നിറഞ്ഞ പശിമരാശി മണ്ണില്...