ദിവ്യ ദീപു

  രാത്രിയുടെ ഏകാന്തത, ചുറ്റും ഇരുട്ടുമാത്രം കടൽ ആർത്തിരമ്പുന്ന ശബ്ദം. സമയം രണ്ടുമണി കഴിഞ്ഞുകാണും ഉറക്കംവരാതെ ഞാൻ അങ്ങനെ കിടന്നു. അമ്മ എപ്പോഴും പറയും ഫോണിൻടെ ഉപയോഗം കൂടീട്ടാണ് ഉറക്കം കുറയുന്നത് എന്ന്. ശരിയാണ് രാത്രിയിൽ ഏറെ നേരം ആ ചെറിയ യന്ത്രത്തിന്റെ വെളിച്ചം കണ്ണിനെ മാത്രമല്ല ബുദ്ധിയേയും ഇരുട്ടിലാക്കിയിരികുന്നു. ചെറുപ്പത്തിലൊക്കെ സന്ധ്യാസമയത്ത് അമ്മൂമ്മ തെളിയിക്കുന്ന നിലവിളക്കിനും നല്ല പ്രകാശമാണ് എന്നാൽ അത് ആരുടെയും ഉറക്കം അപഹരിച്ചിട്ടില്ല. പ്രകാശം തന്നെ എത്ര വിധം! അങ്ങനെ ഓരോന്ന് ഓർത്ത...