സി. ജീവൻ

ബൈജു വർഗ്ഗീസിന്റെ പതിനഞ്ചുകഥകളുടെ സമാഹാരമായ ‘ഉഭയജീവിതം’ ഏറ്റവും പുതിയ മലയാള കഥയുടെ പ്രവണതകളെയാണ്‌ വെളിപ്പെടുത്തുന്നത്‌. കഥയുടെ ഗൗരവമേറിയ പ്രതിപാദനത്തിൽ പുതിയ കാലത്തെ ചർച്ചചെയ്യുമ്പോൾ, മനുഷ്യജീവിതത്തിന്റെ യാഥാർത്ഥ്യങ്ങളെ വ്യാഖ്യാനിക്കുന്നതായി കാണാം. പുതിയതും പഴയതുമായ എല്ലാത്തരം വായനക്കാരിലും അത്‌ പുതിയ ഒരു സംവേദനതലം സൃഷ്‌ടിക്കുന്നു. മുൻപെന്നത്തേക്കാളുപരി പാരായണക്ഷമതയുടെ ആസ്വാദ്യതയെയാണ്‌ അത്‌ സൂചിപ്പിക്കുന്നത്‌. മനുഷ്യമനസിന്റെ വിഹ്വലതകളും സങ്കല്‌പങ്ങളും സ്വപ്‌നങ്ങളും വ്യത്യസ്‌തമായ പതിനഞ്ചുകഥകള...