ബിനു എം.പി
ഏകാകിയുടെ പശ്ചാത്താപം
ഇരുളും വെളിച്ചവും ഇടവിട്ടു നില്ക്കുന്നോരീ
വഴിത്താരയില്‍ ഞാനേകനോ?
പാപവും പുണ്യവും തോരണം തൂക്കുന്ന
ജീവിതപ്പാതയില്‍ ഞാനേകനോ?
നിറമുള്ള സ്വപ്നങ്ങളില്ലാതെയൂഴിയില്‍
കാറിക്കരഞ്ഞു ഞാന്‍ ജാതനായി,
അഴകാര്‍ന്ന സ്വപ്‌നങ്ങള്‍ ഉള്ളില്‍ നിറഞ്ഞത്‌
അറിയാതെയെങ്കിലും ആസ്വദിച്ചു
കൗമാരമെന്നില്‍ നിറച്ചു ചാപല്യവും
കൂടെക്കുറേ മധുസ്വപ്നങ്ങളും
മനസോ പിടിവിട്ടു യാഗാശ്വമായേതോ
മേച്ചില്‍പ്പുറത്തന്നലഞ്ഞിരുന്നു
യൗവ്വനമെന്നില്‍ നിറച്ചത് സ്വപ്നമോ ?
ചൂടുള്ള കുളിരോവറിഞ്ഞു കൂടാ,
എങ്കിലും ഞാനത് കഴിവതുപോലൊക്കെ-
...
