അശ്വതി പി.വി.

വെളിച്ചം കെട്ടൊരെന്റെ വീചികളിൽ- ചിലയ്ക്കുന്നൂ കിളികളായിരം. കരിനീല മഷി പടർന്നൊരാ പുഴ- യൊഴുകുന്നിന്നൂ കളകളം. ചോര നിലച്ചു ചിരിക്കുന്നൂ- നിന്റെയധരങ്ങളോമലേ, പാപ പാദങ്ങൾക്കടിയിൽ- പിടയുന്നില്ലിന്ന് പൂക്കൾ, പ്രതിഛായകളില്ല - തിളങ്ങുന്ന തുളളിമഞ്ഞിനിന്നു. മരണമേൽക്കുന്നൂ നമ്മളെ- മണമില്ലാതാകുന്നെനിക്കും,നിനക്കും. വിടരുന്നൂ, വിളക്കില്ലാതെ- വെളിച്ചമിന്നെന്റെയിടനാഴിയിൽ. ഒഴുകിപ്പരക്കുന്നവിടെയെന്റെ പൂവും, പൂമ്പൊടിയും, പൂമ്പാറ്റകളും.