അഡ്വ. പ്രേംപ്രസാദ്‌
ഇരുണ്ട ഗർത്തങ്ങളിൽ നിന്നുള്ള നിലവിളികൾ
പുരസ്‌കാരങ്ങൾ നേടിയ ഒമ്പതു കഥകളുടെ ഈ സമാഹാരം കഥകളുടെ വൈവിദ്ധ്യം കൊണ്ടും മൗലികതകൊണ്ടും തീർച്ചയായും ശ്രദ്ധിക്കപ്പെടും. ചന്ദ്രശേഖർ നാരായണന്റെ ഈ കഥകളെ ഞാൻ വിലയിരുത്തുന്നത്‌ കഥാകൃത്തുമായി നിരന്തരം ഇടപഴകുന്ന ഒരു സഹപ്രവർത്തകനെന്ന അധികാരം ഉപയോഗിച്ചാണ്‌. ഈ സമാഹാരത്തിലെ എല്ലാ കഥകളും പുരസ്‌കാരങ്ങൾ ലഭിക്കുന്നതിനു മുമ്പേ തന്നെ ഞാൻ വായിച്ചിരുന്നു. ഒരു കഥയെഴുതിക്കഴിഞ്ഞാൽ അത്‌ ഡി.ടി.പി ചെയ്ത്‌ അവനെന്നെ കാണിക്കുമായിരുന്നു. ഓരോ കഥകൾ വായിക്കുമ്പോഴും ഒരുതരം അമ്പരപ്പാണ്‌ എനിക്കുണ്ടായത്‌. അതിനുകാരണം ചന്ദ്രശേഖർ നാരായ...
