അബ്ദു പാലത്തുങ്കര (അബു വാഫി)

  ഇനിയെത്ര തുള്ളി രക്തം ഒഴുകണം ഇനിയെത്ര തലകൾ വീണുരുളണം ഇനിയെത്ര കാലുകൾ തൂങ്ങി നിൽക്കണം ഇനിയെത്ര കൈകൾ അറ്റ് വീഴണം ഇനിയെത്ര കുടൽ മാലകൾ പുറം കാണണം ഇനിയെത്ര വിരലുകൾ തുന്നിച്ചേർക്കണം ഇനിയെത്ര ഭാര്യമാർ വിധവയാകണം ഇനിയെത്ര മക്കൾ അനാഥരാവണം ഇനിയെത്ര രക്ഷിതാക്കൾ കണ്ണീർ പൊഴിക്കണം ഇനിയെത്ര വീടുകൾ ശൂന്യമാകണം? കൊലപാതകമില്ലാത്ത പുലരികൾ സംഘർഷമില്ലാത്ത ചുറ്റുപാടുകൾ വിയോജിപ്പുകൾ സ്വീകരിക്കുന്ന പൂമുഖങ്ങൾ പകപോക്കലില്ലാത്ത പകലുകൾ പ്രതിക്ഷയാണീ നാടിന്റെ നന്മകൾ. പുതിയ ഭരണകൂടങ്ങൾ പ്രകടമാക്...

സ്വന്തമായ് തന്നെ കൊലക്ക് വിടുന്നവൻ കയ്യിൽ പിടിക്കുന്നു നാശത്തിൻ താക്കോൽ. നന്മതൻ നീരൊഴുക്കിന്ന് കുറുകെയായ് തിന്മയുടെ തടയണ പണിയാൻ കൊതിക്കുന്നവൻ, പടുത്തുയർത്തുന്നതോ വെറും വിദ്വേഷ- മെപ്പൊഴും തോൽവി മാത്രമാം പരിണതി. തിന്മയുടെ നീർക്കുഴിയിൽ വീഴാതിരിക്കുവാൻ നന്മതൻ പൊതുവഴി തീർക്കണം നമ്മൾ. സ്നേഹവും കരുണയും കൊള്ളുകിൽ നമ്മൾക്ക് നന്മ വിളയുന്ന സ്വർഗ്ഗമാകാം. തിന്മയിൽ കാണുന്ന കത്തിജ്ജ്വലിക്കുന്ന അഗ്നിയാ നിന്നുള്ളമസ്വസ്ഥമാക്കുന്നത്. നന്മയെമാത്രം കാണുന്ന കണ്ണാടി ഖൽബിൽ കൊളുത്തുകിൽ എന്നും പ്രസന്...

        മനസ്സൊരുങ്ങി, മേലും വഴങ്ങി മനോഹരമാക്കേണ്ടതാണീ നോമ്പ്. ആത്മീയ ധാരയിൽ മതിവരുവോളം തുഴഞ്ഞു നീങ്ങുവാൻ തെളിഞ്ഞതാണീ നോമ്പ്. വിശപ്പെന്ന പരവതാനിയിൽ മോഹങ്ങളെ ചവിട്ടിമെതിച്ച് മഞ്ജുളമാക്കേണ്ടതാണീ നോമ്പ്. മണിക്കൂറുകൾ പന്ത്രണ്ട് തികയലല്ല... നോമ്പ്, ഫജ്റിന്റെ ധ്വനിയും മഗ് രിബിന്റെ വർണ്ണങ്ങളും അതിരുകൾ ചേർന്ന അലങ്കരാരമീ നോമ്പ്. മഴത്തുള്ളികൾ കൊണ്ട് തണുത്ത സുഖമുള്ള നാളുകളും, മഞ്ഞു മൂടുന്ന കുളിരുള്ള ദിനങ്ങളും തെരഞ്ഞെടുത്ത് മാത്രം നോക്കുന്നതല്ല...നോമ്പ...

            ചുട്ടുപൊള്ളുന്ന പൊരിവെയിലത്ത് വിയർത്ത് വലഞ്ഞ് കിതച്ച് കഷ്ടപ്പെട്ട് ഉദ്ദേശിച്ച ദൂരം കണക്കാക്കി, നിഴലിനെപ്പോലും ഒളിപ്പിച്ച് കളയുന്ന മദ്ധ്യാഹ്ന നേരത്ത് നടന്ന് പോകുമ്പോൾ, ദൂരെ കാണുന്ന ആ ഒരു മരത്തണലിനോട് ചേർന്ന് നിൽക്കുമ്പോൾ..... ആ നിഴലിനോടാണെനിക്ക് പ്രണയം. ഒച്ചയില്ലാത്ത വിളിയാളവുമായി വിശപ്പിന്റെ മൂർദ്ധനീയ വേളയിൽ വയറിന്റെ സങ്കടങ്ങൾ അണപൊട്ടിയൊഴുകുന്ന മാത്രയിൽ കൊതിയോടെ കാത്തിരുന്ന് കിട്ടുന്ന ഭക്ഷണത്തോട്... എന്തോ ഒരു പ്രണയം. ...

          അല്പം അർത്ഥവും കൂടുതൽ ആശയവും ഉള്ള ചില്ലറ വാക്കുകളാണ്, എനിക്ക് വേണ്ടത്. ഞാൻ പറയുമ്പോൾ, ആജ്ഞാപിക്കുമ്പോൾ, ആഗ്രഹിക്കുമ്പോൾ, അവർ വരാറില്ല. അവർ ഒരുമിച്ചു വന്നാൽ, അവയെ മെരുക്കി എടുക്കണം. നെഞ്ചുവിരിച്ച് പരസ്പരം തല്ലു കൂടുന്ന ഒത്തൊരുമ ഇല്ലാത്തവരെ, കുത്തിട്ട് ...വേറെയാക്കണം. ഒരുമിച്ച് അല്ലെങ്കിലും, പരസ്പരം സഹകരിക്കുന്നവരെ "കോമ"യിട്ടു തിരിക്കണം. മെരുക്കിയാൽ ഇണങ്ങാത്ത, ഞാനെന്ന ഭാവകന്, "ചോദ്യാടയാളം" കിട്ടിയില്ലെങ്കിൽ, അവൻ പിണ...

        മഴപെയ്തപ്പോൾ എൻറെ വയറ് നിറഞ്ഞു. ആഹ്ലാദത്തോടെ, അലക്ഷ്യമായി, അത് പൊട്ടിയൊഴുകി. ഞാൻ ഒഴുകേണ്ട വഴികളിലെല്ലാം, നിങ്ങളുടെ എച്ചിലുകൾ മാത്രം. എൻറെ വഴികൾ അവ മുടക്കി. നിങ്ങളുടെ വിഴുപ്പുകൾ ചുമന്ന്, എൻറെ മാറിടം കറുത്തു. നാറിത്തുടങ്ങിയ എൻറെ ശരീരത്തിൽ ഇന്ന്, ശുദ്ധജലത്തിന് പകരം അഴുക്കായ വെള്ളവും ചേറും ചെളിയും മാത്രം.  

  സ്വർഗ്ഗം വിളയുന്ന സ്നേഹ സാന്ദ്രമായ പാദ പീഠം ആണ് ഉമ്മ.......... നോവറിയുമ്പോൾ, അറിയാതുരുവിടുന്ന ആശ്വാസത്തിന്റെ ഉൾവിളി യാണ്, ഉമ്മ............ അതിരുകളില്ലാത്ത ആത്മാർത്ഥതയുടെ, പ്രേമാർജ്ജനമാണ് ഉമ്മ..............  

  തീക്ഷ്ണതയുള്ള വാക്കുകൾ കൊണ്ട് മകുടം ചാർത്തിയ അക്ഷരപ്പുര നിർമ്മിക്കാൻ... ഹസ്തലിഖിതം കൊണ്ടുള്ള വചസ്സുകൾ സ്വരുക്കൂട്ടി, ഖണ്ഡികയുടെ മതിൽ കെട്ടിനുള്ളിൽ, താളുകളുടെ മേലാപ്പ് ചാർത്തി, വാർത്തെടുക്കുന്ന കലാകാരൻ.  

ഓർമ്മകൾ ഓടിയെത്തുമ്പോൾ, മറവികൾ പുനർജ്ജനിക്കും. മധുരവും കൈപ്പും, നാവിൻ തുമ്പിലൂറും. വാക്കുകൾ നിശ്ശബ്ദമായി, മൗനം വാചാലമാകും. വെളിച്ചം ഇരുൾ മുറ്റിയതും, ഇരുൾ പ്രകാശിതമാവുകയും ചെയ്യും. വിപരീത ചക്രപാളിയിൽ, കാലം പിന്നോട്ടൊഴുകും. തിരിഞ്ഞു നോക്കിയാലുമില്ലെങ്കിലും, വിടാതെ പിന്തുടരുന്ന, ചില നോവുകൾ.... എപ്പോഴും മുറിവേൽപ്പിക്കും. മരിച്ചു പോകുന്ന മറവികൾ, പുനർജ്ജനിച്ച് പിന്നാലെ വന്ന്, തൊട്ടു വിളിക്കുമ്പോൾ.... അട്ടഹസിക്കുന്നു. ഓർമ്മപ്പെടുത്തലുകൾ സൗജന്യമാണെന്നുണർത്തി, വീണ്ടും മറന്നു പോകുന...

            കുമിളകൾ ഒരുമിച്ച് കൂടി ഒലിക്കുന്ന ലവണച്ചുവയുള്ള ദേഹ നീര്. രോമകൂപങ്ങൾക്ക് പിന്നിലായെവിടെയോ, പറ്റിപ്പിടിച്ച വിയർപ്പ് നീര്. മണ്ണിൽ കിളക്കുവാൻ മൺവെട്ടിയേറ്റി -ത്തഴമ്പിച്ച കൈകൾ തുടച്ച് നീക്കും, അദ്ധ്വാന ഫലമായി നെറ്റിയിൽ പൊടിയുന്ന, കർഷകന്റഭിമാനമീ വിയർപ്പ്. ശീതീകരിച്ച മുറിയിൽ കഴിയുന്നവ -ന്നൊരു നേരം കറന്റ് പോയാൽ, നിൽക്കാൻ കഴിയാത്ത ചൂടിനാൽ ദേഹത്ത്, പൊടിയുന്ന ശിക്ഷയാണീ വിയർപ്പ്. കുളിരുള്ള മുറിയിലാണെങ്കിലും ചിലനേരം, പേടിച്ച്...