ജെൈവപ്രതിസന്ധി

 

 

ഒന്ന്

ഒന്നാം പെഗ്ഗിലെ  വീഞ്ഞിറങ്ങുമ്പോൾ
കുടിക്കൂത്ത്‌    അറിയാത്തവൻ ഇവൻ
ഇവനെ  നിങ്ങൾ മണ്ടനെന്നു വിളിച്ചോളൂ

രണ്ടാം പെഗ്ഗിലെ  വീഞ്ഞിറങ്ങുമ്പോൾ
അറിയില്ലെന്നതറിയുന്നവൻ ഇവൻ
ഇവനെ നിങ്ങൾ ശുദ്ധഭോഷ്‌ക്കനെന്നു    വിളിച്ചോളൂ

മൂന്നാം പെഗ്ഗിലെ  വീഞ്ഞിറങ്ങുമ്പോൾ
അറിയുന്നതറിയാത്തവൻ ഇവൻ
ഇവനെ നിങ്ങൾ അതിമന്ദനെന്നു    വിളിച്ചോളൂ

നാലാംപെഗ്ഗിലെ  വീഞ്ഞിറങ്ങുമ്പോൾ
കുടിക്കൂത്ത്‌   അറിയുന്നവൻ ഇവൻ
ഇവനെ നിങ്ങൾ കുഴിമന്തിയെന്നു  വിളിച്ചോളൂ

ഇവൻ  അറിയുന്നതൊരു തുള്ളി
അറിയാത്തതൊരു വൻകടൽ

ഭൂപടത്തിൽ ഇനിയും രേഖപ്പെടുത്താത്ത
ഇരുട്ടിന്റെ വൻകടലിലൂടെ നാൽക്കാലിയായി നീന്തി
വീട് തപ്പിപ്പിടിച്ചാൽ
രണ്ടു എക്സ്റ്റ്റ    കാലുകൾ
എങ്ങുപേക്ഷിക്കും?

ആലയിലോ
കോലായിലോ
അയൽജാരന്റെ
പുരപ്പുറത്തോ ?

രണ്ട്

കീരിയില്ലെങ്കിൽ പാമ്പില്ല
പാമ്പില്ലെങ്കിൽ ഗരുഡനില്ല
ഗരുഡനില്ലെങ്കിൽ ആകാശമില്ല
ആകാശമില്ലെങ്കിൽ  സൂര്യനില്ല
സൂര്യനില്ലെങ്കിൽ ഭൂമിയില്ല
ഭൂമിയില്ലെങ്കിൽ കീരിയും പാമ്പുമില്ല
ഞാനും നീയുമില്ല
പുളിച്ചു   മധുരിക്കും
പ്രണയത്തിൻ വീഞ്ഞുമില്ല

അഭിപ്രായങ്ങൾ

അഭിപ്രായങ്ങൾ

SHARE
Previous articleസാധാരണക്കാർ
Next articleചെറുകഥാകൃത്ത് തോമസ് ജോസഫ് അന്തരിച്ചു
വേണുനമ്പ്യാർ
ജനനം 1955 ൽ കണ്ണൂർജില്ലയിലെ കണ്ണപുരം ഗ്രാമത്തിൽ. അഞ്ചാം വയസ്സിലുണ്ടായ ഒരു വെടിക്കെട്ടപകടത്തിൽ ആസന്നമരണാനുഭവം. സ്ഥലത്തെ ദിവ്യനായ ഡോക്ടറുടെ വിവേകംമൂലം ജീവൻ തിരിച്ചുകിട്ടി; സൗഭാഗ്യമോ ദൗര്ഭാഗ്യമോ എന്താണ് പറയേണ്ടതെന്ന് അറിയില്ല , അദ്ദേഹത്തിന്റെ കൈപ്പിഴകൊണ്ട് മറ്റൊരു കാര്യം സംഭവിച്ചു. ഇടതു കണ്ണിന്റെ കാഴ്ച നഷ്ടപ്പെട്ടു. പത്താംക്ലാസ്സിനുശേഷം ടൈപ്പട,ചുരുക്കെഴുത്തു,അക്കൗണ്ടൻസി, ജ്യോതിഷം എന്നീ ഒടിവിദ്യകൾ അഭ്യസിച്ചു. ബേക്കറി ഓവൻ സഹായി, ബിൽ കളക്ടർ, ലോഡ്ജ് മാനേജർ..ഇത്യാദി .പല പണികളിലും ഭാഗ്യം പരീക്ഷിച്ചു. ഒരു ഗതിയും കിട്ടിയില്ല. പിന്നീട് ഒരു ശരാശരി മലയാളിയുടെ തലവിധിയുമായി ഊരുചുറ്റൽ: കൊൽക്കത്ത.ഡൽഹി. ഡെഹ്റാഡൂൺ. "വേണുവിന് കഥയെഴുതുവാൻ കഴിയും, വിടാതെ കൂടിയ്‌ക്കോളൂ ". എന്നെഴുതി ഒരിക്കൽ കുഞ്ഞുണ്ണിമാഷ് അനുഗ്രഹിച്ചിരുന്നു. ആ ബലത്തിൽ എഴുതിയ ചില രചനകൾ, പുഴ മാഗസിൻ, കഥ, ദേശാഭിമാനി, കുങ്കുമം, മനോരാജ്യം,മനോരമ, മംഗളം, ബാലരമ, ചന്ദ്രിക,ചില്ല, സമയം എന്നീ പ്രസിദ്ധീകരണങ്ങളിൽ പ്രകാശമോ ഇരുളോ പരത്തി. സർഗശ്രമങ്ങൾക്കു കയ്പ്പും മധുരവുമായിരുന്നു പ്രതിഫലം.'അമ്പുനമ്പ്യാരുടെ തോക്കിനു' മനോരാജ്യത്തിന്റെ ചെറുകഥാ പുരസ്‌കാരം.കുങ്കുമത്തിൽ വന്ന കഥകളുടെ പേരിൽ പ്രൊ എം കൃഷ്ണൻ നായരുടെ നിരന്തര ശകാരം. 2010 ൽ ഓ യെൻ ജി സി ഡെഹ്‌റാഡൂണിലെ എച് ആർ എക്സിക്യൂട്ടീവ് തസ്‌തികയിൽനിന്നു വി ആർ എസ്സെടുത്തു. പ്രവാസപ്പായ ചുരുട്ടിക്കെട്ടിയതിനു ശേഷം . ഇപ്പോൾ കണ്ണപുരത്ത്‌. ഭാര്യ ശ്രിമതി പി .നളിനിയോടൊപ്പം വിശ്രമജീവിതം. രണ്ടു പെണ്മക്കൾ,സൗമ്യ.ദിവ്യ.ഇവർ വിവാഹിതരായി ബാംഗ്ലൂരിൽ കഴിയുന്നു. എഴുത്തുകാരന്റെ സ്ഥിരമേൽവിലാസം :- പി സി വേണുഗോപാലൻ, സോപാനം,, കണ്ണപുരം ഈസ്റ്റ്, പി ഓ മൊട്ടമ്മൽ, കണ്ണൂർ 670331 മൊബൈൽ 9400563338,

അഭിപ്രായം എഴുതുക

Please enter your comment!
Please enter your name here