അടിമ

 

 

 

 

 

 

 

 

“എനിക്കു ശ്വസിക്കാൻ വയ്യ”, യെന്നാ , –
മദ്ധ്യവയസ്ക്കന്റെ രോദനം
കേട്ടിട്ടും കൈ പോക്കറ്റിൽ നിക്ഷേപി –
ച്ചൊരധമന്റെ കാൽമുട്ടിലമരുന്ന
കഴുത്തിനിവിടെയെന്തു വില! ;
കാഴ്ചക്കാരുടെ യാചനയ്ക്കുമില്ല വില ;
കൂടാതെ, കുട്ടിപ്പോലീസുകാർക്കു –
മാപ്പഹയനെ ഭയമായിരുന്നു പോലും !
‘ചാവിൻ’ എന്നാണു ബാഡ്ജിലെ പേരു –
പോലു മെന്തൊരു വൈപരീത്യം!

നാനൂറു കൊല്ലത്തെ യടിമത്തചിന്ത –
യ്ക്കിന്നു മൊരു മോചനമുണ്ടാകയില്ലയോ?
ലേലത്തിൽ പിടിച്ച പാവം മനുഷ്യനെ
ചങ്ങലക്കിട്ടു പണി ചെയ്യിച്ചു
പണക്കാരനായ വെള്ളക്കാരനുണ്ടോ
സ്വയം തെറ്റു തിരുത്തുവാൻ ഭാവം!

“എനിക്കൊരു സ്വപ്ന” മുണ്ടെന്നു ചൊല്ലിയ,
സമാധാന സമരം നയിച്ചൊരു കിങ്ങിനെ
നിഷ്ക്കരുണം വെടിവച്ചതോ പൗരുഷം !
‘ജൂൺടീന്തി’ നെതിരെ കലാപവെറിയോ,
അടിമത്തം തുടരാൻ ‘കോൺഫിഡറസി’യോ ,
ഏതാണു നിങ്ങൾക്കിഷ്ടവിനോദം !

‘അളമുട്ടിയാൽ ചേരയും കടിയ്ക്കു’ മെ-
ന്നാരോ പറഞ്ഞതുപോലെ യിന്നത്തെ
നീറുന്നൊരു മനസ്സിന്റെ യുടമയൊരു
‘ടൈംബോംബാ’യി മാറിയാലതിശയമോ ?
പ്രതിഷേധ സമരം തുടങ്ങിയാലതെങ്ങിനെ
‘രാജ്യദ്രോഹ’ മാകും പ്രസിഡന്റേ ?

അഭിപ്രായങ്ങൾ

അഭിപ്രായങ്ങൾ

SHARE
Previous articleകോട്ടയം പുഷ്പനാഥിന്റെ കൃതികൾ പുതിയ രൂപത്തിൽ
Next articleകവിതയോടൊരു പ്രണയം
സി.വി. ജോർജ്ജ്‌
ജനനം 1948. സ്വദേശം പാലായ്‌ക്കടുത്ത്‌ വലവൂർ ഗ്രാമം. വലവൂർ, കടക്കച്ചിറ, ഇടനാട്‌ സ്‌ക്കൂളുകളിൽ പഠിച്ചു. സെന്റ്‌ തോമസ്‌ പാലായിലും അമേരിക്കയിലും ഉന്നതവിദ്യാഭ്യാസം. മാത്തമാറ്റിക്‌സിൽ ബിരുദം. സ്‌റ്റാറ്റിസ്‌റ്റിക്‌സിലും കംപ്യൂട്ടർ സയൻസിലും ബിരുദാനന്തരബിരുദം. കേരളയൂണിവേഴ്‌സിറ്റിയിൽ ‘നാഗം അയ്യ’ സ്വർണ്ണമെഡൽ ജേതാവ്‌. കേന്ദ്രഗവൺമെന്റിൽ പ്ലാനിങ്ങ്‌ മിനിസ്‌ട്രിയിൽ അസിസ്‌റ്റന്റ്‌ ഡയറക്‌ടറായി (ഐ.എസ്‌.എസ്‌) ജോലിചെയ്‌തതിനുശേഷം 1975 ൽ അമേരിക്കയിലേക്കു കുടിയേറി. കംപ്യൂട്ടർ കൺസൾട്ടന്റായി ജോലിചെയ്യുന്നു. അമേരിക്കയിലെ പത്രമാസികകളിൽ കവിത, കഥ, ലേഖനങ്ങൾ എന്നിവ പ്രസിദ്ധപ്പെടുത്തിവരുന്നു. ഡളളസ്‌, ടെക്സാസിലെ കേരള ലിറ്റററി സൊസൈറ്റിയുടെ സെക്രട്ടറി, പ്രസിഡന്റ്‌, ട്രഷറർ എന്നിവയ്‌ക്കു പുറമെ മറ്റു പല സംഘടനകളുടെയും ഭാരവാഹിയായി പ്രവർത്തിച്ചിട്ടുണ്ട്‌. ഭാര്യ ഃ റോസമ്മ രാമപുരം. മക്കൾഃ മിന്റോ, റാന്റി, മിറാന്റ. മിഷൽ - മരുമകൾ. വിലാസം 1024 Lady Lore Ln Lewisville, TX 75056 Address: Phone: (972) 899-4036

അഭിപ്രായം എഴുതുക

Please enter your comment!
Please enter your name here