ഗംഗാ പരിഭവം

 

 

 

മഞ്ഞു മേഘ പാളിയിലൊന്നിൽ
പലവുരു കണ്ടൊരു പൂമുഖപ്പടിയിലെ
പൊയ്കയിലൊരു വേള മറന്നു,
മനോരാജ്യ ദീപങ്ങൾ ;
വാരിവിതറും ഒളിയിൽ-
കണ്ണഞ്ചി നിൽപ്പൂ; ഹിമമുകുളീകൃതമാം
സാനു തൻ നെറുകയിലൊരു കൂടു കൂട്ടി
കളിവീടൊരുക്കി…..
കളിയാടിടുന്നൂ ശൈലേന്ദ്രപുത്രി,
ഗജമുഖനോടും, മയിൽവാഹനനും,
നന്ദികേശനും, സർവഗണങ്ങളും
പുലിത്തോലിനാടയും, രുദ്രവും കൂടെ;
കയ്യിൽ ഡമരുവും, കണ്ഠത്തിൽ വാസുകി
വെണ്ണീറലങ്കാരം പൂശിയും,
ശിരസ്സിലെ ജഡയിലെന്നുമെന്നും
കാതരയായൊരു ജലകന്യകയ്‌ക്കോ
നയനാഭിരാമം സുന്ദരക്കാഴ്ച
അറിയുന്നീലേ മഹാനുഭവാൻ
ഈ മനോകൽപ്പനകൾ
അറിയുന്നുവെങ്കിലും അറിയാത്തഭാവേന
കണ്ണിമപൂട്ടി ഏകാന്തധ്യാന
പത്മാസനത്തിലിരിക്കിലും,
ആ മധുമൊഴിയേകുന്നോരാനന്ദ
നിർവൃതിയിലധരത്തിൽ വിടർന്നൊരു
പൂപ്പുഞ്ചിരിയെ ഒളിപ്പിക്കുവാൻ
ശ്രമിക്കുന്നതെന്തേ പ്രിയസഖേ

അഭിപ്രായങ്ങൾ

അഭിപ്രായങ്ങൾ

SHARE
Previous articleഒടുവില്‍ നിന്നോട് പറയുവാനുള്ളത്
Next articleസ്നേഹമുഖങ്ങൾ മറയാതെ
യു ഏ യിൽ താമസമാക്കിയ ഒരു ഇരിങ്ങാലക്കുടക്കാരി....കുഞ്ഞിലിക്കാട്ടിൽ ഉണ്ണിച്ചെക്കൻറെയും പദ്മിനിയുടേയും മകൾ, അശ്വനിയുടെ വാമഭാഗം..ദക്ഷിണ ഭാരത ഹിന്ദി പ്രചാരസഭയിൽനിന്നും ഹിന്ദി പ്രവീൺ, കമ്പ്യൂട്ടർ ആപ്പ്ളിക്കേഷനിൽ പ്രൊഫഷണൽ ബിരുദം,പ്രകൃതി സ്‌നേഹി.... ഓർമകളും,നൊമ്പരങ്ങളും, മറവിയിൽനിന്നു കണ്ണുപൊത്തിക്കളിക്കുമ്പോൾ....... സംവേദനം നേരിട്ടാകാൻ കഴിയാത്ത സന്ദർഭങ്ങളിൽ..... അപ്പോഴൊക്കെ വിരിയുന്നവയാണ് ഈ ചെറിയ ശീലുകൾ,വാക്കുകൾ,വാക്യങ്ങൾ.... അവ കാതോർക്കുന്നവർ, കണ്ണോടിക്കുന്നവർ നിങ്ങളാണ്. നിങ്ങളോട് ഞാൻ എന്നെക്കുറിച്ചു മറ്റെന്തു പറയാൻ..... എഴുത്ത് ഇതുവരെ:- "അച്ഛൻ ഓർമ്മകൾ " എന്ന പുസ്തകത്തിൽ ഒരു ചെറു ഓർമ്മക്കുറിപ്പ് പ്രസിദ്ധീകരിച്ചിട്ടുണ്ട്. "56 പെൺകവിതകൾ" എന്ന കവിതാസമാഹാരത്തിൽ ഒരു കവിത പ്രസിദ്ധീകരിച്ചിട്ടുണ്ട്.

അഭിപ്രായം എഴുതുക

Please enter your comment!
Please enter your name here