Sep 19 19:54:26 2018 IST

Need Help?
How to order
Track your order
Customer Service
Shipping Policies & Rates

  
ആചാര്യ നരേന്ദ്രഭൂഷൻ

ആചാര്യ നരേന്ദ്രഭൂഷൻ

1937 മെയ്‌ 22ന്‌ ചെങ്ങന്നൂർ മുണ്ടൻകാവിൽ ജനിച്ചു.

അച്ഛൻഃ കൃഷ്‌ണപിളള. അമ്മഃ തങ്കമ്മ.

കല്ലിശ്ശേരി ഹൈസ്‌കൂളിലും ചങ്ങനാശ്ശേരി എൻ.എസ്‌.എസ്‌.കോളജിലും പഠിച്ചു. ബിരുദമെടുത്തശേഷം ഹര്യാണയിലെ ഹിസ്സാർ ഗുരുകുല മഹാവിദ്യാലയത്തിൽനിന്നും വിദ്യാരത്നം, വിദ്യാഭൂഷൺ, ആചാര്യ എന്നീ ബിരുദങ്ങൾ. കേനം, ഈശം, പ്രശ്‌നം, മുണ്ഡകം, മാണ്ഡൂക്യം, ഐതരേയം, തൈത്തിരീയം, ബൃഹദാരണ്യകം എന്നീ ഉപനിഷത്തുകൾക്ക്‌ ഭാഷ്യം രചിച്ചു. മഹർഷി ദയാനന്ദസരസ്വതിയുടെ ഒമ്പത്‌ കൃതികളുടെ തർജ്ജമ നിർവഹിച്ചു. 101 സാമവേദ മന്ത്രങ്ങൾക്ക്‌ സ്വരചിഹ്‌നം നൽകി ഭാഷ്യം രചിച്ചു. വേദപര്യടനം, ലോകമാന്യ ബാലഗംഗാധരതിലകന്റെ ഗീതാരഹസ്യം, ജസ്‌റ്റിസ്‌ ഗംഗാപ്രസാദിന്റെ മതങ്ങളുടെ ഉത്ഭവകഥ എന്നീ തർജമകളുൾപ്പെടെ ആകെ അമ്പതോളം കൃതികൾ. പുരൂരവസ്സും ഉർവശിയും, ദേവതകളുടെ വൈദികസങ്കൽപം, വേദഗീതാമൃതം, യാഗപരിചയം, യോഗേശ്വരനായ ശ്രീകൃഷ്‌ണൻ, മതവും യുക്‌തിയും, വൈദികസാഹിത്യചരിത്രം, ആചാരഭാനു, പരലോകവും പുനർജന്മവും, വിഗ്രഹാരാധന, വേദാധികാര നിരൂപണ വ്യാഖ്യാനം തുടങ്ങിയവ മുഖ്യകൃതികളാണ്‌. ഇംഗ്ലീഷിലും ഹിന്ദിയിലും പുസ്‌തകങ്ങൾ രചിച്ചിട്ടുണ്ട്‌. വേദപര്യടനത്തിന്‌ തമിഴിൽ പരിഭാഷയുണ്ട്‌. ആര്യഭാരതി ത്രിഭാഷാ മാസിക, വേദനാദം മാസിക എന്നിവയുടെ പത്രാധിപർ. മലയാളത്തിലെ ഏക വൈദിക-ദാർശനിക പ്രസിദ്ധീകരണമായ ആർഷനാദം മാസികയുടെ പ്രസാധകനും മുഖ്യ പത്രാധിപരും. ഡി.സി. ബുക്‌സ്‌ പ്രസിദ്ധീകരിച്ച ഋഗ്വേദം ഭാഷാഭാഷ്യത്തിന്റെ എഡിറ്റർ. കേരള സാഹിത്യ അക്കാദമിയുടെ കെ.ആർ.രാമൻ നമ്പൂതിരി എൻഡോവ്‌മെന്റ്‌ അവാർഡ്‌ (1992), വിദ്യാധിരാജ പുരസ്‌കാരം (1989), ആര്യസമാജ ശതാബ്‌ദി പുരസ്‌കാരം (1983), പാനിപ്പട്ട്‌ വേദസമ്മാനം (1985), മഹർഷി ദയാനന്ദപുരസ്‌കാരം (1987), വേദോപദേശക പുരസ്‌കാരം (1992), ഹേമലതാ സ്‌മാരക വിദ്യാധിരാജാ പുരസ്‌കാരം (1998) തുടങ്ങി ഒട്ടുവളരെ പുരസ്‌കാരങ്ങൾ ലഭിച്ചു.

ഭാര്യഃ കമലാഭായി. മക്കൾഃ വേദരശ്‌മി, വേദപ്രകാശ്‌.

വിലാസംഃ

ദയാനന്ദഭവനം

ചെങ്ങന്നൂർ - 689 121


 

 
Home|Shopping Cart|Your Account|Browse Books|Search Books|Bestsellers|Terms and Conditions|Help|
Other sites of interest: Puzha.Com Puzha Magazine  © 1999-2001, eKA Internet Technologies Private Limited