എഴുത്ത് / കഴുത്ത്

 

കേരളത്തിലെ സാമൂഹ്യബോധമുള്ള എഴുത്തുകാർ വർഗീയ ഭീഷണിയിൽ തന്റെ കൃതി പിൻവലിക്കാൻ നിർബന്ധിതനായ ഹരീഷ് എന്ന എഴുത്തുകാരനൊപ്പം അണിചേരുന്നകാഴ്ചയാണ് കഴിഞ്ഞ കുറച്ചു ദിവസങ്ങളായി നാം കാണുന്നത്.കൂട്ടായ്മകളിലൂടെയും സാമൂഹ്യ മാധ്യമങ്ങളിലൂടെയും നിരവധി പേർ ഇതിനോടകം തന്നെ ഹരീഷിനൊപ്പം ചേർന്ന് കഴിഞ്ഞു.ദേശീയ മാധയമങ്ങൾ പോലും ഈ വാർത്ത ഏറെ പ്രാധാന്യത്തോടെയാണ് നൽകുന്നത്. മുൻപ് കേരളത്തിൽ കേട്ടുകേൾവി ഇല്ലാതിരുന്ന ഒന്നാണ് ഇപ്പോൾ സംഭവിക്കുന്നത്. സംഭവത്തെക്കുറിച്ചു പത്രാധിപരും, എഴുത്തുകാരനുമായ പി കെ പാറക്കടവ് തന്റെ ഫേസ്ബുക്കിൽ കുറിച്ച വരികൾ വായിക്കാം

എഴുത്ത് / കഴുത്ത്
പി.കെ.പാറക്കടവ്

പ്രിയപ്പെട്ട പത്രാധിപർക്ക്,
ഞാനൊരു നോവലെഴുതി.
അമ്പലക്കമ്മിറ്റി പ്രസിഡണ്ടിനും
പൂജാരിക്കും കാണിച്ചു.
കുഴപ്പമില്ലെന്ന് പറഞ്ഞു.
പള്ളിക്കമ്മിറ്റി പ്രസിഡണ്ടിനും
ഇമാമിനും കാണിച്ചു.
കുഴപ്പമില്ലെന്ന് പറഞ്ഞു.
ഇടവകയിലെ വികാരിയച്ചനും
കാണിച്ചു.
കുഴപ്പമില്ലെന്ന് പറഞ്ഞു.
ഇനി അത് ഖണ്ഡശ്ശ പ്രസിദ്ധീകരിക്കുമല്ലോ.
ഒരു പാവം എഴുത്തുകാരൻ.

അഭിപ്രായങ്ങൾ

അഭിപ്രായങ്ങൾ

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English