ശാലീനസൗന്ദര്യം

image35-532x400

 

ഗ്രന്ഥശാലയുടെ സ്വകാര്യതയിൽ നിശബ്ദസുന്ദരമായ അന്തരീക്ഷത്തിൽ പുസ്തകങ്ങൾ തിരയുകയായിരുന്നു അയാൾ.എല്ലാ പുസ്തകങ്ങളും എടുത്തു നോക്കി അത്ന്റെ മുൻപും പിൻപും നോക്കി, പിന്നെ ഒന്നു ഓടിച്ചു വായിച്ചു നോക്കി ,ചിലപ്പോൾ ഒന്നു മണത്തു നോക്കി പുസ്തകത്തിന്റെ ആ ഉൻമത്ത ഗന്ധവും ആസ്വദിച്ചിട്ടേ അയാൾ പുസ്തകം തിരഞ്ഞെടുക്കുകയുള്ളു.

കഥാ സാരത്തിലൂടെ കഥാപാത്രങ്ങളിലൂടെ ചെരിയൊരു എത്തി നോട്ടം കഴിയുമ്പോഴേക്കും മനസ്സിലാവും ഇതു വീട്ടിൽ കൊണ്ടു പോകേണ്ട പുസ്തകമാണോ എന്ന്.
അങ്ങനെ ഗ്രന്ഥശാലയുടെ അകത്തു നിൽക്കുമ്പോൾ അയാൾ ഒരു പ്രത്യേക ലോകത്തായിരിക്കും.കഥയും കഥാപാത്രങ്ങളും മാത്രമടങ്ങിയ ഒരു ലോകം.ബഷീറിന്റെ,തകഴിയുടെ,എം.ടി.യുടെയൊക്കെ കഥാപാത്രങ്ങളിലൂടെ ജീവിത ഗന്ധം തിരിച്ചറിയുകയായിരുന്നു അയാൾ..കണ്ണെഴുതി പൊട്ടു തൊട്ട്,കാച്ചിയ എണ്ണയുടെ മണമുള്ള മുടി പിന്നിയിട്ട് പാവാടയും ബ്ളൗസുമണിഞ്ഞ സുന്ദരികളായ പെൺമണികൾ..മുറുക്കിച്ചുവപ്പിച്ച ചുണ്ടിൽ ചിരിയുമായി മൈലാഞ്ചിച്ചോപ്പുള്ള കൈകളാൽ മുഖം പൊത്തി നാണം കുണുങ്ങികളായ നാടൻ പെൺകൊടികൾ അയാളുടെ മനസ്സിലൂടെ ഘോഷയാത്രയായി കടന്നു പോയി.
ആ സുഖദ സുന്ദരമായ സ്വപ്നങ്ങളിൽ മുഴുകി പുസ്തകങ്ങളുടെ കെട്ടുമായി അയാൾ ലൈബ്രേറിയന്റെ അടുത്തേക്ക് നീങ്ങുമ്പോഴാണ് ഉയരത്തിലുള്ള ചെരുപ്പിൽ നിന്നും ഇപ്പോൾ താഴെ വീഴുമെന്ന മട്ടിൽ ,തന്നെക്കാൾ വലിയ മൊബൈൽ ഫോണും കയ്യിൽ പിടിച്ച് അവൾ കടന്നു വന്നത്.
മുടി ബോബ് ചെയ്ത് ,ഇറുകിയ ജീൻസും ബനിയനുമിട്ട് ,ചുണ്ടിൽ വാരിത്തേച്ച ലിപ്സ്റ്റിക്കുമായി നിൽക്കുന്ന അവളെ നോക്കി നിന്നപ്പോൾ അയാളുടെ മനസ്സിലെ ശാലീന സ്വപ്നങ്ങൾ ചത്തു വീണു.

അഭിപ്രായങ്ങൾ

അഭിപ്രായങ്ങൾ

SHARE
Previous articleചിറ്റമ്മ
Next articleബുദ്ധനും സുഖവും
നൈന മണ്ണഞ്ചേരി
ആലപ്പുഴ ജില്ലയിലെ മണ്ണഞ്ചേരിയില്‍ 1967-ല്‍ ജനനം. മലയാളത്തില്‍ എം.എ.ബിഎഡ്.ബിരുദം.കഥകള്‍,കവിതകള്‍, ലേഖനങ്ങള്‍ തുടങ്ങിയവ പ്രസിദ്ധീകരിക്കുകയും ആകാശവാണി പ്രക്ഷേപണം ചെയ്യുകയും ചെയ്തിട്ടുണ്ട്. നര്‍മ്മസാഹിത്യരംഗത്ത് കൂടുതല്‍ സജീവം.പാലാ കെ.എം.മാത്യൂ പുരസ്കാരം,ചിക്കൂസ് പുരസ്ക്കാരം, പൂന്താനം പുരസ്കാരം, കലാകേന്ദ്രം പുരസ്കാരം, കല്‍ക്കട്ട പുരോഗമനകലാസാഹിത്യ സംഘം പുരസ്ക്കാരം,ബാംഗളൂര്‍ പ്രവാസിസാഹിത്യ പുരസ്ക്കാരം,ബാംഗളൂര്‍ മലയാളിസമാജം പുരസ്ക്കാരം, നെഹ്രുട്രോഫി ജലോത്സവ സുവനീർ കമ്മറ്റിയുടെ റിപ്പോര്‍ട്ടിംഗ് പുരസ്ക്കാരം തുടങ്ങിയ നേടിയിട്ടുണ്ട്. ‘’സൂക്ഷിക്കുക അവാര്‍ഡ് വരുന്നു’’, ‘’പങ്കന്‍സ് ഓണ്‍ കണ്‍ട്രി’’, ‘’ഇമ്മിണി ബല്യ നൂറ്’’ ''ഓമനപ്പാറ ഗ്രാമപഞ്ചായത്ത്',''വഴിയേ പോയ വിനോദയാത്ര'' തുടങ്ങിയ നര്‍മ്മ കഥാസമാഹാരങ്ങളും ''സ്നേഹതീരങ്ങളിൽ'',''മന്ത്രവാദിയുടെ കുതിര'' തുടങ്ങിയ ബാലസാഹിത്യ കൃതികളും പ്രസിദ്ധീകരിച്ചിട്ടുണ്ട്. പ്രസിദ്ധീകരിച്ചിട്ടുണ്ട്. ''സ്നേഹതീരങ്ങളിൽ'' എന്ന നോവൽ ''സ്നേഹതീരത്തെ അക്ഷരപ്പൂക്കൾ'' എന്ന പേരിൽ സിനിമയായി.ഇതിന്റെ തിരക്കഥ,സംഭാഷണം,ഗാനങ്ങൾ എഴുതി. ''നന്ദിത'' എന്ന സിനിമയിലും ഗാനങ്ങൾ എഴുതി. അഞ്ച് വര്‍ഷം സൗദിഅറേബ്യയില്‍ ജോലി ചെയ്തു. ഇപ്പോള്‍ ആലപ്പുഴ വ്യവസായ കോടതി യിലെ ജീവനക്കാരന്‍. എരമല്ലൂരില്‍ താമസിക്കുന്നു. വിലാസം: നൈനമണ്ണഞ്ചേരി, നൈനാസ്, എരമല്ലൂര്‍. പി.ഒ, ആലപ്പുഴ(ജില്ല) പിന്‍ -688537. Address: Phone: 9446054809

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English