ഒരിടത്തൊരിടത്ത്‌….

ഒരിടത്ത്‌ ഒരിടത്ത്‌ ഒരു കുഞ്ഞുണ്ണിയുണ്ടായിരുന്നു.

വളരെ പണ്ടൊന്നുമല്ല; അടുത്ത ദിവസം വരെ ഈ കുഞ്ഞുണ്ണി നമ്മോട്‌ ഒപ്പമുണ്ടായിരുന്നു. കുഞ്ഞുങ്ങളോട്‌ കഥ പറഞ്ഞും പാട്ടുപാടിയും മൊഴിമുത്തുകൾ ചൊല്ലിയും മലയാളികൾ പാർക്കുന്നിടത്തെല്ലാം കുഞ്ഞുണ്ണി പാറി നടന്നു. കണങ്കാൽ മറയാത്ത ചെറിയൊരു ഒറ്റമുണ്ടും മുറിക്കൈയ്യൻ പരുത്തിക്കുപ്പായവുമിട്ട്‌ നടന്നുനീങ്ങുന്ന ആ ‘ചെറിയ വലിയ’ മനുഷ്യനെ ആർക്കാണ്‌ മറക്കാനാവുക.

എന്നിട്ട്‌ കുഞ്ഞുണ്ണി എവിടെപ്പോയി?

ഭൂമിയിലെ കുഞ്ഞുങ്ങളെ വിട്ട്‌ അദ്ദേഹം സ്വർഗ്ഗത്തിലെ കുഞ്ഞുങ്ങളെ തേടിപ്പോയി!…. ‘ഹയ്യോ കഷ്ടം’ എന്നു പറഞ്ഞിട്ടെന്താ കാര്യം? അവിടെയും വേണ്ടേ ഒരു കുഞ്ഞുണ്ണി? നമുക്ക്‌ വേണ്ടി അനേകം മയിൽപ്പീലിത്തുണ്ടുകളും വളപ്പൊട്ടുകളും മഞ്ചാടിമണികളും കുറുംകവിതകളും മിഠായിപ്പാട്ടുകളുമൊക്കെ കരുതിവച്ചിട്ടാണ്‌ കുഞ്ഞുണ്ണി പോയത്‌!

ഞാൻ നിങ്ങൾക്ക്‌ കുഞ്ഞുണ്ണിയുടെ കഥ പറഞ്ഞു തരാം.

നാറാണത്ത്‌ ഭ്രാന്തന്റെ കഥപോലെ

കടമറ്റത്ത്‌ കത്തനാരുടെ കഥ പോലെ

ഉളിയന്നൂർ പെരുന്തച്ചന്റെ കഥ പോലെ കേൾക്കാൻ കൗതുകവും രസവുമുള്ള കഥ! പക്ഷേ ഇതൊരു ഐതിഹ്യ കഥയല്ല. പിന്നെയോ?

നമ്മോടൊപ്പം ജീവിച്ച നമ്മുടെ സ്വന്തം കുഞ്ഞുണ്ണിയുടെ കഥ. 2006 മാർച്ച്‌ 26ന്‌ ഞായറാഴ്‌ച നമ്മോട്‌ യാത്ര പറഞ്ഞ മലയാളത്തിന്റെ പ്രിയങ്കരനായ കവി കുഞ്ഞുണ്ണിമാസ്‌റ്ററുടെ കഥ. ഇതാ കേട്ടോളൂ…

(തുടരും)

Generated from archived content: kunjunni1.html Author: sippi_pallipuram

അഭിപ്രായങ്ങൾ

അഭിപ്രായങ്ങൾ

SHARE
Previous articleകുമിളകൾകൊണ്ടൊരു കൊട്ടാരം
Next articleകുഞ്ഞുണ്ണി കുഞ്ഞുണ്ണി മാഷായ കഥ
1943 മെയ്‌ 18 ന്‌ എറണാകുളം ജില്ലയിലെ വൈപ്പിൻ പളളിപ്പുറത്തു ജനിച്ചു. 1966-മുതൽ പളളിപ്പുറം സെന്റ്‌ മേരീസ്‌ ഹൈസ്‌കൂളിൽ അധ്യാപകനായിരുന്നു. ദേശീയവും പ്രാദേശീകവുമായ നിരവധി അവാർഡുകൾ നേടിയ സാഹിത്യകാരൻ. കഴിഞ്ഞ മൂന്നു ദശകങ്ങളായി മലയാള ബാലസാഹിത്യരംഗത്ത്‌ പ്രവർത്തിച്ചു വരുന്നു. കുട്ടികളുടെ വികാരവിചാരങ്ങൾക്കനുസരിച്ച്‌ തൂലിക ചലിപ്പിച്ച്‌ അവരെ വിസ്‌മയലോകത്തിലാറാടിക്കുന്ന എഴുത്തുകാരൻ. ഇതിനകം അമ്പത്തിയഞ്ച്‌ ബാലസാഹിത്യകൃതികൾ പ്രസിദ്ധീകരിച്ചിട്ടുണ്ട്‌. 1985-ൽ ‘ചെണ്ട’ എന്ന കൃതിക്ക്‌ ബാലസാഹിത്യത്തിനുളള ദേശീയ അവാർഡ്‌ ലഭിച്ചു. പൂരം, തത്തകളുടെ ഗ്രാമം, അപ്പൂപ്പൻ താടിയുടെ സ്വർഗ്ഗയാത്ര, പപ്പടം പഴം പായസം, തത്തമ്മേ പൂച്ച പൂച്ച, തേൻതുളളികൾ, മിന്നാമിനുങ്ങ്‌, ഉണ്ടനും ഉണ്ടിയും പുലിയച്ചനും, നൂറുനേഴ്‌സറിപ്പാട്ടുകൾ, ചന്ദനപ്പാവ, മയിലും മഴവില്ലും, കാട്ടിലെ കഥകൾ, കുറുക്കൻ കഥകൾ, ഗുരുഭക്തിയുടെ കഥകൾ, ഉണ്ണികൾക്ക്‌ നല്ലകഥകൾ, നമ്പൂര്യച്ചനും ഭൂതവും, പാവയ്‌ക്കക്കുട്ടൻ, കുരങ്ങാട്ടിയും കളളനോട്ടുകാരും, പാൽക്കിണ്ണം, സ്വർണക്കമ്പിളി, കഥകഥപ്പൈങ്കിളി എന്നിവയാണ്‌ പ്രധാന കൃതികൾ. ഭാര്യഃ മേരീസെലിൻ, മക്കൾ ഃ ശാരിക, നവനിത്‌. വിലാസം ഃ പളളിപ്പോർട്ട്‌ പി.ഒ, കൊച്ചി- 683515.

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English