പൂക്കാലം

പാടുക പാടുക പൂങ്കുയിലേ കളി-

യാടുക വീണ്ടും പൊന്മയിലേ

താരുകളേന്തി, ത്തളിരുകളേന്തി-

ത്തരളവസന്തം വന്നല്ലോ!

പാറുക പാറുക പൂമ്പാറ്റേ, പുതു-

കാഹളമൂതുക പൂങ്കാറ്റേ

പൂമണമേന്തി, പ്പൂമ്പൊടിയേന്തി-

പൂവണിമാസം വന്നല്ലോ!

വിടരുക വിലസുക പൂവുകളേ-

നറുതേന്മഴ ചൊരിയൂ, കാവുകളേ

കതിരൊളി തൂകി, ക്കുളിരലപാകി-

ക്കനകവസന്തം വന്നല്ലോ!

Generated from archived content: kuttinadan_apr21_06.html Author: sippi-pallippuram

അഭിപ്രായങ്ങൾ

അഭിപ്രായങ്ങൾ

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English