ഓർമ്മയിൽ എന്നും അമ്മ

വീട്‌വെടിഞ്ഞമ്മ പോയത്‌

ഞാനറിഞ്ഞിരുന്നില്ല

സമാധാനത്തിന്റെ

കൊടിക്കൂറപുതച്ചങ്ങനെ

വേദനയുടെ മുരിക്ക്‌ മരത്തിൽ-

നിന്ന്‌ ഒരുകാക്ക

ഒളികണ്ണിട്ട്‌ നോക്കുന്നു.

ചിതയ്‌ക്കരികിൽ

ശ്രാദ്ധക്കിണ്ടിയായ്‌ ഞാൻ

മനസ്സിലെങ്ങും

അമ്മയുടെ മണം

ഓർമ്മകൾക്ക്‌ ഗർഭപാത്രം

ചുരണ്ടേണ്ടതില്ല

ഉൺമയുടെ ഒരുതുള്ളി

അമ്മിഞ്ഞപാലാണമ്മ

അമ്മയാണാദ്യമായ്‌

സ്‌നേഹത്തിന്റെ സേതു-

പണിഞ്ഞത്‌

അമ്മവീട്‌വിട്ട്‌ പോയിട്ടില്ല

എന്റെ ഹൃദയത്തിന്റെ-

മണ്ണിൽനിന്നും

കൈയ്‌ക്ക്‌ പിടിച്ച്‌

നടത്തിക്കുന്നു.

Generated from archived content: nurse1_jan4_10.html Author: raju.kanjirangad

അഭിപ്രായങ്ങൾ

അഭിപ്രായങ്ങൾ

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English