ഓർമകൾ

images-1
അകലേക്ക് നോക്കി ഇനിയും തെളിയാത്ത
സൂര്യനു വേണ്ടി കാത്തിരിക്കുമ്പോൾ
എവിടെയോ മുഴങ്ങുന്ന വെടിയൊച്ചകൾ..
ദാൽ തടാകത്തിന്റെ തീരങ്ങളിൽ
ഇനിയും വരാത്ത ആർക്കോ വേണ്ടി
കാത്തു കിടന്നുറങ്ങുന്ന ബോട്ടുകൾ…
പോയകാലത്തിന്റെ ഓർമ്മകൾ
കമ്പളം പുതച്ചു കിടക്കുന്നു….
കണ്ണുനീർത്തുള്ളികളായി
മഞ്ഞ് ഒഴുകിപ്പരക്കുന്നു..
ചോരയുടെ നിറം പകർന്ന്
ചുവന്നു കിടക്കുന്ന ആപ്പിളുകൾ
പെണ്ണിന്റെ നൊമ്പരം കലർന്ന്
വരണ്ടുകിടക്കുന്ന കുങ്കുമപ്പാടങ്ങൾ.
തേയില മണം പോയ ചായപ്പാത്രങ്ങളിൽ
എട്ടുകാലി വലകെട്ടിയിരിക്കുന്നു..
അടുപ്പിൽ തണുപ്പേറ്റ് പൂച്ച പെറ്റു കിടക്കുന്നു.
കർഫ്യൂ ഇളവ് ചെയ്തിട്ട് വേണം
ഒന്ന് പുറത്തിറങ്ങാൻ..
വെടിയൊച്ച നിലച്ചിട്ട് വേണം
ഒന്ന് ശ്വാസം വിടാൻ..

അഭിപ്രായങ്ങൾ

അഭിപ്രായങ്ങൾ

Previous article36-ാമത് ഷാര്‍ജ അന്താരാഷ്ട്ര പുസ്തകമേള
Next articleവ്യക്തിയുടെ സ്വാതന്ത്ര്യം
നൈന മണ്ണഞ്ചേരി
ആലപ്പുഴ ജില്ലയിലെ മണ്ണഞ്ചേരിയില്‍ 1967-ല്‍ ജനനം. മലയാളത്തില്‍ എം.എ.ബിഎഡ്.ബിരുദം.കഥകള്‍,കവിതകള്‍, ലേഖനങ്ങള്‍ തുടങ്ങിയവ പ്രസിദ്ധീകരിക്കുകയും ആകാശവാണി പ്രക്ഷേപണം ചെയ്യുകയും ചെയ്തിട്ടുണ്ട്. നര്‍മ്മസാഹിത്യരംഗത്ത് കൂടുതല്‍ സജീവം.പാലാ കെ.എം.മാത്യൂ പുരസ്കാരം,ചിക്കൂസ് പുരസ്ക്കാരം, പൂന്താനം പുരസ്കാരം, കലാകേന്ദ്രം പുരസ്കാരം, കല്‍ക്കട്ട പുരോഗമനകലാസാഹിത്യ സംഘം പുരസ്ക്കാരം,ബാംഗളൂര്‍ പ്രവാസിസാഹിത്യ പുരസ്ക്കാരം,ബാംഗളൂര്‍ മലയാളിസമാജം പുരസ്ക്കാരം, നെഹ്രുട്രോഫി ജലോത്സവ സുവനീർ കമ്മറ്റിയുടെ റിപ്പോര്‍ട്ടിംഗ് പുരസ്ക്കാരം തുടങ്ങിയ നേടിയിട്ടുണ്ട്. ‘’സൂക്ഷിക്കുക അവാര്‍ഡ് വരുന്നു’’, ‘’പങ്കന്‍സ് ഓണ്‍ കണ്‍ട്രി’’, ‘’ഇമ്മിണി ബല്യ നൂറ്’’ ''ഓമനപ്പാറ ഗ്രാമപഞ്ചായത്ത്',''വഴിയേ പോയ വിനോദയാത്ര'' തുടങ്ങിയ നര്‍മ്മ കഥാസമാഹാരങ്ങളും ''സ്നേഹതീരങ്ങളിൽ'',''മന്ത്രവാദിയുടെ കുതിര'' തുടങ്ങിയ ബാലസാഹിത്യ കൃതികളും പ്രസിദ്ധീകരിച്ചിട്ടുണ്ട്. പ്രസിദ്ധീകരിച്ചിട്ടുണ്ട്. ''സ്നേഹതീരങ്ങളിൽ'' എന്ന നോവൽ ''സ്നേഹതീരത്തെ അക്ഷരപ്പൂക്കൾ'' എന്ന പേരിൽ സിനിമയായി.ഇതിന്റെ തിരക്കഥ,സംഭാഷണം,ഗാനങ്ങൾ എഴുതി. ''നന്ദിത'' എന്ന സിനിമയിലും ഗാനങ്ങൾ എഴുതി. അഞ്ച് വര്‍ഷം സൗദിഅറേബ്യയില്‍ ജോലി ചെയ്തു. ഇപ്പോള്‍ ആലപ്പുഴ വ്യവസായ കോടതി യിലെ ജീവനക്കാരന്‍. എരമല്ലൂരില്‍ താമസിക്കുന്നു. വിലാസം: നൈനമണ്ണഞ്ചേരി, നൈനാസ്, എരമല്ലൂര്‍. പി.ഒ, ആലപ്പുഴ(ജില്ല) പിന്‍ -688537. Address: Phone: 9446054809

അഭിപ്രായം എഴുതുക

 Click this button or press Ctrl+G to toggle between Malayalam and English