അദൃശ്യൻ

എനിക്കറിയാം
നീ ഇവിടെ എവിടെയോ ഉണ്ട്
എന്റെ കണ്ണുകൾക്ക് എത്താനാവാത്ത ഏതോ കോണിൽ ഇരുന്ന് നീ എന്നെ കണ്ടുകൊണ്ടിരിക്കുന്നുണ്ട്
എനിക്ക് വേണ്ടതെല്ലാം ഒരുക്കി..
ചന്ദനത്തിൽ പൊതിഞ്ഞ നീലതുളസിയുടെ നേർത്ത മണം
ഏത് പുകമറക്കുള്ളിലും തിളങ്ങുന്ന നിന്റെ സ്വർണ വെളിച്ചം
നീ ചിരിക്കുമ്പോൾ വിടരുന്ന പനിനീർ പൂക്കൾ
നിന്റെ ശബ്ദം കേട്ടു രസിക്കുന്ന പുള്ളിക്കുയിൽ
നീ വരക്കുമ്പോൾ വിരിയുന്ന മഴവില്ല്
നിന്നെ പിരിയാത്ത മഴമുകിൽ
നിന്നെയുറക്കുന്ന നറുനിലാവ്
സങ്കടങ്ങളുടെ ഓലക്കീറു നീക്കി
ഇന്നെന്റെ കുടിലിൽ…
എന്നത്തേയും പോലെ പകൽസ്വപ്നമാണോ
എവിടുന്നോ ഒരു കാറ്റ് പറന്ന് വന്ന്
തണുത്ത കൈയ്യാൽ ചുറ്റി പിടിച്ചു
എന്നെ മറ്റേതോ ലോകത്തേക്ക്
കൊണ്ടു പോയതാകുമോ?
അതോ നിന്റെ ഓർമയിൽ
സ്വപ്നത്തിൽ
ഞാൻ ചിരിച്ചു പൂവിട്ട് നിന്നതാകുമോ?
അനന്തകോടി ചുഴികളിലും
എന്റെ കടൽ ശാന്തമാകുന്നു
സ്നേഹമേ
ആരുടെ കണ്ണിലൂടെയാണ് നീ എന്നെ നോക്കുന്നത്?!

അഭിപ്രായങ്ങൾ

അഭിപ്രായങ്ങൾ

SHARE
Previous articleഒഴുകുന്ന ചിത്രം
Next articleസീസൺ
സംഗീത കിരോഷ്‌
(Dr. P.V.Sangeetha) തൃശൂർ ജില്ലയിലെ ഇരിഞ്ഞാലക്കുടയാണ് സ്വദേശം.  മഹാത്മാഗാന്ധി സർവകലാശാലയിൽ നിന്ന് പത്രപ്രവർത്തനത്തിൽ ബിരുദാനന്തര ബിരുദവും  എം ഫിലും , ചെന്നൈ അണ്ണാ സർവകലാശാലയിൽ നിന്ന് മീഡിയ സ്റ്റഡീസിൽ ഡോക്ടറേറ്റും നേടി. ചെന്നൈയിലെ എത്തിരാജ് കോളേജിൽ വിഷ്വൽ കമ്മ്യൂണിക്കേഷൻ വിഭാഗത്തിൽ അദ്ധ്യാപികയാണ്. നവ മാധ്യമങ്ങളെ സംബന്ധിച്ച് നിരവധി പഠനങ്ങൾ നടത്തിയിട്ടുണ്ട്. വായനയും എഴുത്തും ചിത്രംവരയും ഇഷ്ടവിനോദങ്ങൾ. 

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English