നരജന്മം..

child-rep-reu-759

മെഡിക്കൽ സ്റ്റോർ അടയ്ക്കാൻ തുടങ്ങുമ്പോഴാണ് തല വേദനയുടെ ഗുളിക വാങ്ങാൻ അയാൾ അങ്ങോട്ട് ചെന്നത്.മദ്ധ്യവയസ്ക്കനായ ഉടമ അയാളെ നോക്കി ചിരിച്ചു. ഒരു യുവതിയും ഭർത്താവും അയാളോട് സംസാരിച്ചു കൊണ്ടിരിക്കുകയായിരുന്നു. അത് കഴിയാൻ അയാൾ കാത്തു നിന്നു

.’’അവൻ വളരെ അവശനിലയിലാണ്. അത്യാവശ്യമായി എന്തെങ്കിലും മരുന്ന് തരണം.’’ അവളുടെ സ്വരത്തിൽ അകാംക്ഷ നിറഞ്ഞു നിന്നു.
‘’ഇത്രയും രാത്രിയായി. അല്ലെങ്കിൽ ഏതെങ്കിലും ആശുപത്രിയിൽ കൊണ്ടു പോകാമായിരുന്നു.’’

ഭർത്താവിന്റെ നിരാശ കണ്ടാകാം മെഡിക്കൽ സ്റ്റോറുകാരൻ പറഞ്ഞു.

’സാരമില്ല ലൂസ് മോഷനല്ലേ.ഈ ഗുളിക കൊണ്ട് മാറും’’
‘’ ഈശ്വരാ,ഇതു കൊണ്ട് മാറിയാൽ മതിയായിരുന്നു.’’ പ്രാർഥനയോടെ അവൾ ഗുളിക വാങ്ങി ബാഗിൽ വെച്ചു.

’’നാളെ കുറവില്ലെങ്കിൽ രാവിലെ തന്നെ ഏതെങ്കിലും ആശുപത്രിയിൽ കൊണ്ടു പോകണം..’’ അയാൾ ഓർമ്മിപ്പിച്ചു.
’രാത്രി തുറന്നിരിക്കുന്ന എത്ര ആശുപത്രികളുണ്ട് ഇവിടെ,അത്രയ്ക്കും സുഖമില്ലെങ്കിൽ അവനേയും കൊണ്ട് അവർക്ക എവിടെങ്കിലും പോയിക്കൂടെ.’’

എന്റെ സംശയം കേട്ട് മെഡിക്കൽ സ്റ്റോറുകാരൻ ചിരിച്ചു

‘’അവരുടെ പട്ടിയുടെ കാര്യമാണ് അവർ പറഞ്ഞത്. ഈ രാത്രി ഏതു മൃഗാശുപത്രിയാണ് തുറന്നിരിക്കുന്നത്…’’
അയാൾ ജാള്യതയോടെ ചിരിച്ചു.  തലവേദനയുടെ ഗുളികയും വാങ്ങി തിരിച്ചിറങ്ങുമ്പോൾ സിറിയയിലെ കുഞ്ഞുങ്ങളുടെ നിലവിളി അയാളുടെ വാട്സ് ആപ്പിൽ മുഴങ്ങി.

 

അഭിപ്രായങ്ങൾ

അഭിപ്രായങ്ങൾ

SHARE
Previous articleഒ.എന്‍.വി യുവസാഹിത്യ പ്രതിഭ പുരസ്‌കാരം അനുജ അകത്തുട്ടിന്
Next articleകേരള സാഹിത്യ അക്കാദമി: മാഹി സാഹിത്യോത്സവം
നൈന മണ്ണഞ്ചേരി
ആലപ്പുഴ ജില്ലയിലെ മണ്ണഞ്ചേരിയില്‍ 1967-ല്‍ ജനനം. മലയാളത്തില്‍ എം.എ.ബിഎഡ്.ബിരുദം.കഥകള്‍,കവിതകള്‍, ലേഖനങ്ങള്‍ തുടങ്ങിയവ പ്രസിദ്ധീകരിക്കുകയും ആകാശവാണി പ്രക്ഷേപണം ചെയ്യുകയും ചെയ്തിട്ടുണ്ട്. നര്‍മ്മസാഹിത്യരംഗത്ത് കൂടുതല്‍ സജീവം.പാലാ കെ.എം.മാത്യൂ പുരസ്കാരം,ചിക്കൂസ് പുരസ്ക്കാരം, പൂന്താനം പുരസ്കാരം, കലാകേന്ദ്രം പുരസ്കാരം, കല്‍ക്കട്ട പുരോഗമനകലാസാഹിത്യ സംഘം പുരസ്ക്കാരം,ബാംഗളൂര്‍ പ്രവാസിസാഹിത്യ പുരസ്ക്കാരം,ബാംഗളൂര്‍ മലയാളിസമാജം പുരസ്ക്കാരം, നെഹ്രുട്രോഫി ജലോത്സവ സുവനീർ കമ്മറ്റിയുടെ റിപ്പോര്‍ട്ടിംഗ് പുരസ്ക്കാരം തുടങ്ങിയ നേടിയിട്ടുണ്ട്. ‘’സൂക്ഷിക്കുക അവാര്‍ഡ് വരുന്നു’’, ‘’പങ്കന്‍സ് ഓണ്‍ കണ്‍ട്രി’’, ‘’ഇമ്മിണി ബല്യ നൂറ്’’ ''ഓമനപ്പാറ ഗ്രാമപഞ്ചായത്ത്',''വഴിയേ പോയ വിനോദയാത്ര'' തുടങ്ങിയ നര്‍മ്മ കഥാസമാഹാരങ്ങളും ''സ്നേഹതീരങ്ങളിൽ'',''മന്ത്രവാദിയുടെ കുതിര'' തുടങ്ങിയ ബാലസാഹിത്യ കൃതികളും പ്രസിദ്ധീകരിച്ചിട്ടുണ്ട്. പ്രസിദ്ധീകരിച്ചിട്ടുണ്ട്. ''സ്നേഹതീരങ്ങളിൽ'' എന്ന നോവൽ ''സ്നേഹതീരത്തെ അക്ഷരപ്പൂക്കൾ'' എന്ന പേരിൽ സിനിമയായി.ഇതിന്റെ തിരക്കഥ,സംഭാഷണം,ഗാനങ്ങൾ എഴുതി. ''നന്ദിത'' എന്ന സിനിമയിലും ഗാനങ്ങൾ എഴുതി. അഞ്ച് വര്‍ഷം സൗദിഅറേബ്യയില്‍ ജോലി ചെയ്തു. ഇപ്പോള്‍ ആലപ്പുഴ വ്യവസായ കോടതി യിലെ ജീവനക്കാരന്‍. എരമല്ലൂരില്‍ താമസിക്കുന്നു. വിലാസം: നൈനമണ്ണഞ്ചേരി, നൈനാസ്, എരമല്ലൂര്‍. പി.ഒ, ആലപ്പുഴ(ജില്ല) പിന്‍ -688537. Address: Phone: 9446054809

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English