മഞ്ചാടി

fb_img_1442594428438

ഇടവഴിയിൽ വീണ മഞ്ചാടി മണികളിൽ
ഇടാവിടാ പെയ്യും മഴത്തുള്ളികൾ.
ഇടനെഞ്ചിൽ ഇപ്പോഴും നനയുന്നൊരോർമ്മയായി
ഇവിടെ തളിരിട്ട പ്രണയ നിശ്വാസങ്ങൾ..

ഹൃദയവികാരവും പ്രണയസന്ദേശവും
ഇഴചേർന്ന കൈവഴികളിൽ വിടർന്ന മോഹങ്ങൾ
ഇടവഴികളിൽ കൊഴിഞ്ഞ വിരഹപ്പൂക്കൾ
മനസ്സിൽ മധുരമായി നിറയും ഗൃഹാതുരം..

മഴ തോർന്നുവെങ്കിലും കുടചൂടിയെത്തുന്ന
ആർദ്രമാമോർമ്മകൾ തോരാതെ പെയ്യുന്നു..
ആൽമരച്ചോട്ടിലെ സ്നേഹസായന്തനം
കൈനീട്ടി വീണ്ടും വിളിക്കുന്നു നമ്മളെ..

സന്ധ്യയുടെ കണ്ണുകളിൽ നൊമ്പരത്തിന്റെ നനവ്
നിലാവിന്റെ കണ്ണിൽ സങ്കടത്തുള്ളികൾ
വിതുമ്പും സ്വരത്തിൽ ഇടനാഴി ചൊന്നത്
തിരികെ വരാത്ത നൻമയെക്കുറിച്ചാണോ?

 

അഭിപ്രായങ്ങൾ

അഭിപ്രായങ്ങൾ

SHARE
Previous articleത്രിവിക്രമന്മാഷ് കഥ പറയുന്നു
Next articleഅബുദാബി ശക്തി അവാർഡ്
നൈന മണ്ണഞ്ചേരി
ആലപ്പുഴ ജില്ലയിലെ മണ്ണഞ്ചേരിയില്‍ 1967-ല്‍ ജനനം. മലയാളത്തില്‍ എം.എ.ബിഎഡ്.ബിരുദം.കഥകള്‍,കവിതകള്‍, ലേഖനങ്ങള്‍ തുടങ്ങിയവ പ്രസിദ്ധീകരിക്കുകയും ആകാശവാണി പ്രക്ഷേപണം ചെയ്യുകയും ചെയ്തിട്ടുണ്ട്. നര്‍മ്മസാഹിത്യരംഗത്ത് കൂടുതല്‍ സജീവം.പാലാ കെ.എം.മാത്യൂ പുരസ്കാരം,ചിക്കൂസ് പുരസ്ക്കാരം, പൂന്താനം പുരസ്കാരം, കലാകേന്ദ്രം പുരസ്കാരം, കല്‍ക്കട്ട പുരോഗമനകലാസാഹിത്യ സംഘം പുരസ്ക്കാരം,ബാംഗളൂര്‍ പ്രവാസിസാഹിത്യ പുരസ്ക്കാരം,ബാംഗളൂര്‍ മലയാളിസമാജം പുരസ്ക്കാരം, നെഹ്രുട്രോഫി ജലോത്സവ സുവനീർ കമ്മറ്റിയുടെ റിപ്പോര്‍ട്ടിംഗ് പുരസ്ക്കാരം തുടങ്ങിയ നേടിയിട്ടുണ്ട്. ‘’സൂക്ഷിക്കുക അവാര്‍ഡ് വരുന്നു’’, ‘’പങ്കന്‍സ് ഓണ്‍ കണ്‍ട്രി’’, ‘’ഇമ്മിണി ബല്യ നൂറ്’’ ''ഓമനപ്പാറ ഗ്രാമപഞ്ചായത്ത്',''വഴിയേ പോയ വിനോദയാത്ര'' തുടങ്ങിയ നര്‍മ്മ കഥാസമാഹാരങ്ങളും ''സ്നേഹതീരങ്ങളിൽ'',''മന്ത്രവാദിയുടെ കുതിര'' തുടങ്ങിയ ബാലസാഹിത്യ കൃതികളും പ്രസിദ്ധീകരിച്ചിട്ടുണ്ട്. പ്രസിദ്ധീകരിച്ചിട്ടുണ്ട്. ''സ്നേഹതീരങ്ങളിൽ'' എന്ന നോവൽ ''സ്നേഹതീരത്തെ അക്ഷരപ്പൂക്കൾ'' എന്ന പേരിൽ സിനിമയായി.ഇതിന്റെ തിരക്കഥ,സംഭാഷണം,ഗാനങ്ങൾ എഴുതി. ''നന്ദിത'' എന്ന സിനിമയിലും ഗാനങ്ങൾ എഴുതി. അഞ്ച് വര്‍ഷം സൗദിഅറേബ്യയില്‍ ജോലി ചെയ്തു. ഇപ്പോള്‍ ആലപ്പുഴ വ്യവസായ കോടതി യിലെ ജീവനക്കാരന്‍. എരമല്ലൂരില്‍ താമസിക്കുന്നു. വിലാസം: നൈനമണ്ണഞ്ചേരി, നൈനാസ്, എരമല്ലൂര്‍. പി.ഒ, ആലപ്പുഴ(ജില്ല) പിന്‍ -688537. Address: Phone: 9446054809

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English