കളിപ്പാട്ട്‌

മറക്കാം ദുരിതമൊട്ട്‌, മനസ്സി-

ന്നിറുക്കമിത്തിരി കുറച്ചിടാം

കളിച്ചാനലും തുറന്നു രസത്തിൽ

കൊറിച്ചിടാം വറുത്ത കായ

അണ്ടി കളഞ്ഞയണ്ണാന്റെ ചേലി-

ലന്തംവിട്ടുനിൽക്കുന്നൊരു പുമാൻ

സ്‌റ്റൈലിൽ കളിപ്പന്തു കൈവിട്ടതാം

പുതുമോഡൽ ഫീൽഡറാണവൻ!

പിച്ചിൽ ഞൊടിയിടയ്‌ക്കുള്ളിൽ

വീണു മണ്ണുകപ്പുന്നതാര്‌?

ഭവാൻ സെഞ്ച്വറിക്കാരൻ

കപ്പനേകം പണ്ട്‌ തട്ടിയെടുത്തവൻ.

കൊട്ടുന്നതാ പന്ത്‌ ബൗണ്ടറി

ബിയറടിക്കുമൊരുത്തന്റെ മണ്ടയിൽ!

അറബിക്കടലിളകിവരും മട്ടിൽ

ആർത്തുകൂവുന്നു മഹാജനം

മയത്തിൽ കുറ്റപ്പെടുത്തുന്നു

പക്ഷപാതികളാം പരദേശഭക്തർഃ

പിച്ച്‌ ശരിയാഞ്ഞല്ലോ പിച്ച

തെണ്ടിപ്പോയതു പാക്കികൾ!

മറിമായമറിയുന്നവർ

ഊറിയൂറിച്ചിരിക്കുന്നു

കളിക്കുന്നന്നവർക്കിതൊരങ്കക്കളി

കാണാത്തവർക്കു വെറും വങ്കക്കളി

കാണികൾക്കൊയിതുനൽകും അങ്കക്കലി!!

കളി കണ്ടിമ്പമായൻപോടെ

കളിയച്ഛൻ തരുന്നതെന്തും

കൈനീട്ടി വാങ്ങിച്ചു

കളിക്കാരൊടുക്കംമടങ്ങു-

മമ്മയെക്കാണുവാൻ

വിജയത്തിലും പരാജയത്തിലു-

മുണ്ടൊരു സദ്‌വചനം ഃ ജയം!

ഇതു മറക്കാതെയുല്ലസിച്ചു കളിക്കും

മഹാഭാരതത്തിൻ കളിക്കാർ

Generated from archived content: poem1_mar21_07.html Author: venu_nambyar

അഭിപ്രായങ്ങൾ

അഭിപ്രായങ്ങൾ

SHARE
Previous articleഏകാംഗം
Next articleഅടയാത്ത ഇമകൾ
വേണുനമ്പ്യാർ
ജനനം 1955 ൽ കണ്ണൂർജില്ലയിലെ കണ്ണപുരം ഗ്രാമത്തിൽ. അഞ്ചാം വയസ്സിലുണ്ടായ ഒരു വെടിക്കെട്ടപകടത്തിൽ ആസന്നമരണാനുഭവം. സ്ഥലത്തെ ദിവ്യനായ ഡോക്ടറുടെ വിവേകംമൂലം ജീവൻ തിരിച്ചുകിട്ടി; സൗഭാഗ്യമോ ദൗര്ഭാഗ്യമോ എന്താണ് പറയേണ്ടതെന്ന് അറിയില്ല , അദ്ദേഹത്തിന്റെ കൈപ്പിഴകൊണ്ട് മറ്റൊരു കാര്യം സംഭവിച്ചു. ഇടതു കണ്ണിന്റെ കാഴ്ച നഷ്ടപ്പെട്ടു. പത്താംക്ലാസ്സിനുശേഷം ടൈപ്പട,ചുരുക്കെഴുത്തു,അക്കൗണ്ടൻസി, ജ്യോതിഷം എന്നീ ഒടിവിദ്യകൾ അഭ്യസിച്ചു. ബേക്കറി ഓവൻ സഹായി, ബിൽ കളക്ടർ, ലോഡ്ജ് മാനേജർ..ഇത്യാദി .പല പണികളിലും ഭാഗ്യം പരീക്ഷിച്ചു. ഒരു ഗതിയും കിട്ടിയില്ല. പിന്നീട് ഒരു ശരാശരി മലയാളിയുടെ തലവിധിയുമായി ഊരുചുറ്റൽ: കൊൽക്കത്ത.ഡൽഹി. ഡെഹ്റാഡൂൺ. "വേണുവിന് കഥയെഴുതുവാൻ കഴിയും, വിടാതെ കൂടിയ്‌ക്കോളൂ ". എന്നെഴുതി ഒരിക്കൽ കുഞ്ഞുണ്ണിമാഷ് അനുഗ്രഹിച്ചിരുന്നു. ആ ബലത്തിൽ എഴുതിയ ചില രചനകൾ, പുഴ മാഗസിൻ, കഥ, ദേശാഭിമാനി, കുങ്കുമം, മനോരാജ്യം,മനോരമ, മംഗളം, ബാലരമ, ചന്ദ്രിക,ചില്ല, സമയം എന്നീ പ്രസിദ്ധീകരണങ്ങളിൽ പ്രകാശമോ ഇരുളോ പരത്തി. സർഗശ്രമങ്ങൾക്കു കയ്പ്പും മധുരവുമായിരുന്നു പ്രതിഫലം.'അമ്പുനമ്പ്യാരുടെ തോക്കിനു' മനോരാജ്യത്തിന്റെ ചെറുകഥാ പുരസ്‌കാരം.കുങ്കുമത്തിൽ വന്ന കഥകളുടെ പേരിൽ പ്രൊ എം കൃഷ്ണൻ നായരുടെ നിരന്തര ശകാരം. 2010 ൽ ഓ യെൻ ജി സി ഡെഹ്‌റാഡൂണിലെ എച് ആർ എക്സിക്യൂട്ടീവ് തസ്‌തികയിൽനിന്നു വി ആർ എസ്സെടുത്തു. പ്രവാസപ്പായ ചുരുട്ടിക്കെട്ടിയതിനു ശേഷം . ഇപ്പോൾ കണ്ണപുരത്ത്‌. ഭാര്യ ശ്രിമതി പി .നളിനിയോടൊപ്പം വിശ്രമജീവിതം. രണ്ടു പെണ്മക്കൾ,സൗമ്യ.ദിവ്യ.ഇവർ വിവാഹിതരായി ബാംഗ്ലൂരിൽ കഴിയുന്നു. എഴുത്തുകാരന്റെ സ്ഥിരമേൽവിലാസം :- പി സി വേണുഗോപാലൻ, സോപാനം,, കണ്ണപുരം ഈസ്റ്റ്, പി ഓ മൊട്ടമ്മൽ, കണ്ണൂർ 670331 മൊബൈൽ 9400563338,

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English