സാക്ഷ്യം

അഗ്‌നിശരം അഹന്തയിലെയ്‌ത-

നിഷാദന്റെ പെരുവിരൽ

യാചിച്ച്‌ കുലഗുരു യാത്രയാവുന്നു.

കുരുക്ഷേത്രത്തിൽ കുടിലയുദ്ധം

യജ്ഞശാലയിൽ നരമേധം.

അറ്റശിരസ്സിന്റെ

നിശ്ശബ്ദവാണിയിൽ മുഴങ്ങിയ-

പരിഹാസമറിയാതരചൻ

അന്തഃപുരത്തിലൊരു-

തരുണിയുടെ വിലാപം

കായബലത്താലമർത്തുന്നു.

പലായനം ചെയ്‌തവന്റെ

നെഞ്ചിൽ നീറും

ഗൃഹാതുരത-

സിരയിലൊരഗ്‌നി കൊളുത്തുന്നു…

ക്ഷോഭിക്കുന്നവൻ,

അവനവനോട്‌-

യുദ്ധം പ്രഖ്യാപിക്കുമ്പോൾ,

അരൂപിയുടെ ശബ്‌ദം മുഴങ്ങുന്നു.

“പൗരോഹിത്യമേ,

നിൻ തപഃശക്‌തി വിഫലം.

നീ പോറ്റിവളർത്തും-

അധികാരത്തിൻ-

കോട്ടകൊത്തളങ്ങളശ്ശക്‌തം.”

ഭൂതകാലം നഷ്‌ടപ്പെട്ടവന്റെ-

ചിരി,

തലയ്‌ക്ക്‌ മുകളിൽ-

തലനാരിഴയിൽ-

തൂങ്ങുന്ന വാളാണ്‌.

അതിനു കീഴിലിരിക്കുന്നവൻ

ധർമ്മലോപം വന്നവനെന്ന്‌

സാക്ഷ്യപ്പെടുത്തുന്നവരുടെ –

മൊഴി

തിരിച്ചറിവിന്റേയും സാക്ഷ്യമാണ്‌.

Generated from archived content: sakshyam.html Author: sunil_cp

അഭിപ്രായങ്ങൾ

അഭിപ്രായങ്ങൾ

SHARE
Previous articleഎം.എൻ.വിജയൻ
Next articleഅദ്ധ്യായം പതിനൊന്ന്‌
Avatar
വിദ്യാഭ്യാസംഃ ബി.എ. 34 വയസ്സ്‌ കേരള കൗമുദിയിൽ പ്രസിദ്ധീകരിച്ച ‘വേനൽമഴ’യാണ്‌ ആദ്യ കവിത. കവിത കൂടാതെ ‘ശമനതാളം’, ‘ഒരു വിശുദ്ധന്റെ ആത്‌മാവ്‌’, ‘സ്വപ്‌നങ്ങളുടെ വിലാപയാത്ര’, തുടങ്ങിയ ചെറുകഥകളും എഴുതിയിട്ടുണ്ട്‌. 1991- മുതൽ സൗദി അറേബ്യയിലെ റിയാദിൽ ജോലി നോക്കുന്നു. വിലാസംഃ ചിലമ്പശ്ശേരിൽ ഇളമ്പഴന്നൂർ പി.ഒ. ചടയമംഗലം കൊല്ലം - 691 534. റിയാദിലെ വിലാസംഃ പി.ബി. നം. 50743 റിയാദ്‌ 11533 കെ.എസ്‌.എ.

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English