ഇറക്കം

മഴയും വരുന്നു, താഴ്‌ച

മുരടനക്കിക്കിടക്കുന്നു.

വഴുതുവാനായ്‌ വയ്‌ക്കുമീ

ചുവടു തകിടംമറിയല്ലേ…..!

മലകളെ പൂളിയെടുത്ത

വഴിയുടെ ഇരുകരകളിൽ

ജന്മവേരുകൾ തമ്മിൽപിണ-

ഞ്ഞുന്മാദനൃത്തമാടുന്നു…

നീറ്റിറക്കങ്ങളിൽ തൊ-

ട്ടെന്റെ കാൽകൾ തണുത്തുറയുന്നു,

തട്ടിവീഴ്‌ചതൻ തിണർപ്പ്‌

നീലച്ചുനിണംകെട്ടിക്കിടക്കുന്നു.

മഴയും വരുന്നു, തിരിച്ചുള്ള

വരവൊളിഞ്ഞിരുന്നുകണ്ട്‌

കൽപൊത്തുകൾ, ഗർത്തങ്ങൾ..

വിറയ്‌ക്കും പാദങ്ങളാലെ തിരി-

ച്ചിറക്കം കഠിനമല്ലേ;

കൂട്ടില്ലായ്‌മയിലൊറ്റപ്പെടലിൽ

നേരടക്കിപ്പിടിക്കുന്നു ഞാൻ

നീ നീട്ടും കരം തെരുപ്പിടി-

ച്ചിനിയിറക്കം തുടരുന്നു……..

Generated from archived content: poem1_nov23_09.html Author: sreekrishnadas_mathur

അഭിപ്രായങ്ങൾ

അഭിപ്രായങ്ങൾ

SHARE
Previous articleഅമർത്യൻ
Next articleതേങ്ങൽ
Avatar
പത്തനംതിട്ടയിലെ മാത്തൂർ ഗ്രാമത്തിൽ ജനിച്ചു. മാതാവ്‌ഃ ശ്രീമതി ഇന്ദിരാമ്മ, പിതാവ്‌ഃഃ ശ്രീ ജനാർദ്ദനൻ നായർ. പ്രവാസപ്രദക്ഷിണവഴിയിലും കവിത കൂടെ കൂട്ടിയിരിക്കുന്നു. ഇപ്പോൾ മദ്രാസിൽ ഒരു സ്വകാര്യസ്ഥാപനത്തിൽ ജോലിചെയുന്നു. തപാൽ ഃ ശ്രീകൃഷ്ണദാസ്‌ മാത്തൂർ, ചെറുവള്ളിൽ വീട്‌, മാത്തൂർ തപാൽ, പത്തനംതിട്ട-689657, ഫോൺഃ 0468-2354572. ബ്ലോഗ്‌ഃ www.mathooram.blogspot.com ഇ-മെയിൽഃ s.mathoor@rediffmail.com Address: Phone: 09940556918

അഭിപ്രായം എഴുതുക

Please enter your comment!
Please enter your name here

 Click this button or press Ctrl+G to toggle between Malayalam and English